ನವ್ಯಾ ಸಂಸಾರಾ ಪಾಸತ್ ಬಾಪಾನ್ ಉಂಡೊ ದಿಲೊ}2
ಜೆಜು ಸೊಡ್ವೊಣ್ದಾರ್ ಆಮ್ಚೊ ಮೊಡ್ಲಲೊ ಉಂಡೊ ಜಾಲೊ}2

1. ಭಕ್ತಿನ್ ಆಮಿ ಯೆವ್ಯಾಂ, ಪವಿತ್ರ್ ಉಂಡೊ ಖಾವ್ಯಾಂ
ಕ್ರಿಸ್ತಾ ರಗತ್ ಸೆವುನ್, ನವೆಂ ಜಿವಿತ್ ಜೊಡ್ಯಾಂ
ಮೊಗಾನ್ ಸ್ವೀಕಾರ್ ಕರ್ಯಾಂ, ತಾಚಿ ಆಜ್ಞಾ ಪಾಳ್ಯಾಂ
ಆಮ್ಕಾಂಚ್ ಆಮಿ ಮೊಡುನ್, ಜೆಜು ಪರಿಂ ಜಾವ್ಯಾಂ

2. ಜೆಜು ಸಂಸ್ರಾಂತ್ ಆಯ್ಲೊ, ಮನ್ಶಾಂ ಮಧೆಂ ರಾವ್ಲೊ
ಆಪ್ಲೆಂ ರಗತ್ ವ್ಹಾರೊವ್ನ್, ಖುರ್ಸಾರ್ ಮರಣ್ ಪಾವ್ಲೊ
ಮೆಲ್ಲ್ಯಾಂತ್ಲೊ ತೊ ಉಠ್ಲೊ, ಪುನರ್ ಜಿವಂತ್ ಜಾಲೊ
ಆಮ್ಚೆಂ ಪೋಶಣ್ ಜಾಂವ್ಚ್ಯಾಕ್ ಉಂಡ್ಯಾ ರುಪಾಂತ್ ಲಿಪ್ಲೊ

3. ಗೊಂವಾಚೊ ಕಣ್ ಮರ್ತಾ, ಮಾತಿಯೆ ಸಾರ್ಕೊ ಜಾತಾ
ಪರತ್ ಕಿರ್ಲೊನ್ ಯೆವುನ್ ಶೆಂಭರಾನ್ ಫಳ್ ದಿತಾ
ಜೆಜು ಉಂಡೊ ಜಾತಾ, ಆಪ್ಣಾಕ್ ಮೊಡುನ್ ವಾಂಟ್ತಾ
ಸಗ್ಳೊಚ್ ಆಮ್ಕಾಂ ದಿವುನ್, ಆಮ್ಚೆಂ ಜಿವಿತ್ ಜಾತಾ

4. ಆಕಾಸ್ ಆನಿ ಪ್ರಥ್ವಿ ನವ್ಯಾನ್ ತಾಣೆಂ ರಚ್ಲಿಂ
ಪವಿತ್ ಅತ್ಮೊ ದಿವುನ್ ಪುನರ್‍ರುಪಿತ್ ಕೆಲಿಂ
ಮನ್ಶಾಂಕ್ ದಿಲಿಂ ದೆಣಿಂ ಆಪ್ಲೆ ಸೊಡ್ವಣೆಚಿಂ
ಕುರ್ಪೆನ್ ತಾಚೆ ಭರೊನ್ ಜೊಡ್ಚ್ಯಾಕ್ ಸಾಸ್ಣಿಕ್ ಜಿಣಿ