ನಮಾನ್, ನಮಾನ್ ತುಕಾ ಬಾಳಕ್ ರಾಯಾ
ರಾಯಾ ಕಾಳ್ಜಾಂಚ್ಯಾ ಕ್ರಿಸ್ತ್ ರಾಯಾ
ವಂದನ್, ವಂದನ್ ತುಕಾ ಸರ್ಗಿ ರಾಯಾ
ರಾಯಾ ಸರ್ಗಿಂಚ್ಯಾ ದಿ ತುಜಿ ದಯಾ

ನ್ಹಯ್ ತುಜೆಂ ರಾಜ್ ನಶ್ವರ್ ಸಂಸಾರಾಚೆಂ
ವ್ಹಯ್ ತುಜೆಂ ರಾಜ್ ಅಮರ್ ಸರ್ಗಿಂಚೆಂ
ಜಿವಿತಾಚೆಂ ರಾಜ್ ತೆಂ ಉಜ್ವಾಡಾಚೆಂ
ಸತ್, ನಿತಿಚೆಂ ಆನಿ ಕುರ್ಪೆಚೆಂ

ಗೊರ್ವಾಂ ಖಾವ್ಣೆಂತ್ ತುಂ ಜಲ್ಮಲೊಯ್
ಶೆಳ್ಯಾಂ ಖಾತಿರ್ ತುಜ್ಯಾ ಜೀವ್ ದಿಲೊಯ್
ಗೊವ್ಳಿ ಖರೊ ಜಾವುನ್ ಹಿಂಡ್ ಎಕ್ಟಾಂಯ್ಲೊಯ್
ಜಯ್ತಾ ಕುರೊವ್ ತುವೆಂ ಜೋಡ್ನ್ ಘೆತ್ಲೊಯ್

ರಾಜ್ಯಾಂತ್ ತುಜ್ಯಾ ಭಾಗಿ, ಖಾಲ್ತೆ ಭೊಳೆ
ವಿಶೆವ್ ಮಾಗ್ಚ್ಯಾ ತುಜ್ಯಾ ಭಾಂವ್ಡಾಂಕ್ ಪಳೆ
ಸರ್ಗಾಕ್ ಉಬಾರ್ನ್ ಆಸಾತ್ ಆಮ್ಚೆ ದೊಳೆ
ಮಾಗ್ತಾಂವ್ ಕಾಕ್ಳುತ್ ಸರ್ವ್ ದುರ್ಬಳೆ

ರಾಜ್ವಟ್ಕಿ, ಪದ್ವಿ ಆನಿ ಮಹಿಮಾ, ಫಾವೊ
ತುಕಾ ಮೊಗಾಳ್ ಬಾಳಕ್ ರಾಯಾ
ಉಪ್ಕಾರ್ ಬಾವ್ಡುನ್ ತುಕಾ ದಿತಾಂವ್ ಅರ್ಗಾಂ
ಜೈ ಜೈ ತುಕಾ ಜೈ, ಕ್ರಿಸ್ತಾ ರಾಯಾ