ನಮಾನ್ ದರ್ಯಾ ಸುಕ್ರಾ, ಭಾಗಿ ಸರ್ಗಾ ದ್ವಾರಾ
ತುಂ-ಗೆ ಸದಾಂಚ್ ಆಂಕ್ವಾರ್, ದೆವಾಚಿ ಮಾಯ್ ಉದಾರ್

ಗಾಬ್ರಿಯೆಲಾನ್ ಕೆಲ್ಲೊ, ಘೆವ್ನ್ ತೊ ಮಾನ್ ವ್ಹಡ್ಲೊ
ಭುಗ್ರ್ಯಾಂಕ್ ತುಜ್ಯಾ ಜಾಗಯ್, ಮೊಗಾನ್ ಆಮ್ಕಾಂ ವಾಗಯ್

ಪಾತ್ಕಾ ಸಾಂಕ್ಳಿ ತುಟಯ್, ಆಂದ್ಳ್ಯಾಂಕ್ ಉಜ್ವಾಡ್ ದಾಕಯ್
ಧಾಂವ್ಡಾಯ್ ವಾಯ್ಟಾಂ ಸರ್ವಯ್, ಬರೆಂ ಸಕ್ಕಡ್ ಲಾಭಯ್

ಜಾ-ಗೆ ಆಮ್ಕಾಂ ಆವಯ್, ಆಮ್ಚಿಂ ಮಾಗ್ಣಿಂ ಪಾವಯ್
ಉಮ್ಕಳ್ತಲ್ಯಾ ಖುರ್ಸಾರ್, ತುಜ್ಯಾ ಪುತಾ ಮುಕಾರ್

ಆಂಕ್ವಾರ್ ಮಾತೆ ವಿಚಿತ್ರ್, ಸರ್ವಾಂ ಪ್ರಾಸಿ ಪವಿತ್ರ್
ಆಮ್ಕಾಂ ನ್ಹಾಣೊವ್ನ್ ನಿತಳ್, ಕರ್-ಗೆ ಭಳೆ ನಿಸ್ಕಳ್

ಲಾಭಯ್ ಜಿಣಿ ಸೊಭಿತ್, ಚಲಯ್ ವಾಟೆನ್ ಶಾಬಿತ್
ರೂಪ್ ರೂಪ್ ಪಳೆವ್ನ್ ಜೆಜುಕ್, ಭೊಗುಂಕ್ ಸಾಸ್ಣಾಚೆಂ ಸುಖ್

ಆನಂದ್ ದೆವಾ ಬಾಪಾಕ್, ಕಸೊ ಜೆಜು ಕ್ರಿಸ್ತಾಕ್
ತಸೊ ಪವಿತ್ರ್ ಅತ್ಮ್ಯಾಕ್, ಏಕ್‍ಚ್ ತೇಗ್‍ಯಿ ಜಣಾಂಕ್