1. ನಮಾನ್ ಖುರ್ಸಾ, ಭಾಗಿ ರುಕಾ, ತುಜೆ ಸಾರ್ಕೊ ದುಸ್ರೊ ನಾ;
ಫುಲಾನ್ ಫಳಾನ್ ಸರ್ ಜಾಂವ್ಕ್ ತುಕಾ
ಖಂಯ್ಚ್ಯಾಯ್ ವನಾಂತ್ ಮೆಳನಾ;
ದುಲಭ್ ಖಿಳೆ, ದುಲಬ್ ರುಕಡ್, ದುಲಬ್ ವಜನ್ ಸಾಂಬಾಳ್ತಾ

2. ಗಾ ತುಂ ಜಿಬೆ ಗೌರವ್ ತಾಚೊ, ಜಯ್ತಾಂ ತಾಚಿಂ ಪ್ರಗಟಿ;
ಕಳಯ್ ವೃತ್ತಾಂತ್ ತ್ಯಾ ಖುರ್ಸಾಚೊ ಖಬರ್ ತಾಚೆರ್ ಮೆಲ್ಲ್ಯಾಚಿ;
ತೀನ್ ಖಿಳ್ಯಾಂಚೆರ್ ಉಮ್ಕಳೊನ್ ತೊ ಕೆಲಿ ಸೊಡ್ವಣ್ ಮನ್ಶಾಂಚಿ

3. ದೆಂವ್ಚಾರಾಚೆ ನಾಡಿಕ್ ಭುಲೊನ್ ಆದಾಂವ್ ಬಾವ್ಡೊ ಪಾಡ್ ಜಾಲೊ;
ಆಡ್ವಾರ್ಲಲೆಂ ಫಳ್ ತೆಂ ಖಾವುನ್ ಸಸ್ತಿಚೊ ವ್ಹಡ್ ಗೋಳ್ ಕೆಲೊ;
ತೆದ್ನಾಚ್ ದೆವಾನ್ ಕಾಕುಳ್ತ್ ಕರುನ್ ಖುರ್ಸಾಚೊ ರೂಕ್ ಭಾಸಾಯ್ಲೊ

4. ರುಕಾಚೆರಿ ಘಾತ್ಕಿ ಸರ್ಪಾನ್ ಆದಿ ಪುರ್ಸಾಕ್ ಠಕಯ್ಲೆಂ
ರುಕಾಚೆರಿ ಸೊಡ್ವೊಣ್ದಾರಾನ್ ಪಾಪಿ ಕುಳಾಕ್ ಸೊಡಯ್ಲೆಂ;
ರುಕಾನ್ ಕೆಲ್ಲ್ಯಾ ಘಾಯಾಕ್ ದೆವಾನ್ ಒಕತ್ ಕೆಲೆಂ ರುಕಾಚೆಂ

5. ನಿರ್ಮಿಲ್ಲೊ ಕಾಳ್ ಜಾತಚ್ ಭರ್ತಿ ಶತಕಾಂನಿ ಆಶೆಲ್ಲೊ,
ಪಾಪಿ ಕುಳಾಕ್ ಜೊಡ್ಚ್ಯಾಕ್ ಮುಕ್ತಿ ಬಾಪಾನ್ ಪುತಾಕ್ ಪಾಟಯ್ಲೊ;
ಆಂಕ್ವಾರ್ ನಾರಿ ಜಾವ್ನ್ ಪ್ರಸುತಿ, ದೇವ್‍ನರ್ ಪೃಥ್ವಿಂ ಜಲ್ಮಲೊ

6. ಖಾವ್ಣೆರ್ ಪಳೆ ನೆಣ್ತೊ ಬಾಳಕ್ ಫಾಳ್ಯೆನ್ ಮಾತೆನ್ ಗುಟ್ಲಾಯ್ಲಾ
ಹಿಂವೆ ರಾತಿ ಭೊಂವ್ತಿಂ ಕಾಳೊಕ್ ಗರ್ದನ್ ಸಾಳೆ ನಿದಾಯ್ಲಾಂ;
ಸಂಸಾರ್ ತಾಚಿ ನೆಣಾ ಒಳಕ್, ಸೊಮಿ ಪ್ರಕಾಸ್ ಹಾಡ್ನ್ ಆಯ್ಲಾ

7. ಜಿಣಿ ತಾಚಿ ಜಾತಾಂ ಕಾಬಾರ್ ಸೊಡ್ವಣೆಚೆಂ ಮೊಲ್ ದಿತಾ
ಆಪ್ಲೆ ಖುಶೆನ್ ಕಾಲ್ವಾರ್ ದೊಂಗ್ರಾರ್ ತಾರಕ್ ಖುರ್ಸಾರ್ ಉಮ್ಕಳ್ತಾ;
ಭಾಗಿ ರೂಕ್ ತೊ ಕರುನ್ ಆಲ್ತಾರ್, ಪಾಸ್ಕಾ ಶೆಳಿ ಭೆಟಯ್ತಾ

8. ತಾನೆಕ್ ತಾಚೆ ಶಿರ್ಕೊ ಪೀವನ್, ಕಾಂಟ್ಯಾನ್ ಖಿಳ್ಯಾನ್ ಕಶ್ಟತಾ;
ಲೊಂಜಿನಾಚ್ಯಾ ನಿಶ್ಟೂರ್ ಭಾಲ್ಯಾನ್ ಕಡ್ವಳ್ ತಾಚೆಂ ಉಘಡ್ತಾ;
ತಾಂತ್ಲ್ಯಾನ್ ವ್ಹಾಂವ್ತ್ಯಾ ರಗ್ತಾನ್, ಉದ್ಕಾನ್,
ಸಾಂಸಾರಾ ಪಾಪ್ ಧುವ್ನ್ ವೆತಾ

ಬಾಗಾಯ್ ಫಾಂಟೆ ಭಾಗಿ ರುಕಾ, ವೆಂಗಯ್ ದಿರ್ವೆಂ ಆಮೊಲಿಕ್;
ರಾಯಾಕ್ ಆನಿ ದೆವಾಕ್ ತುಜ್ಯಾ ಆಸನ್ ಜಾವ್ಚ್ಯಾಕ್ ಭೋವ್ ಸ್ವಾಧಿಕ್
ಆಬ್ಳೆ ಜಾಲೆಂ ಫಾವೊ ತುಕಾ ಭಾಗ್ ಹೆಂ ವರ್ತೆಂ ಲಕ್ಷಣಿಕ್

10. ತುಜೆರ್ ಬಲಿದಾನ್ ಉಮ್ಕಳ್ಳೆಂ, ಪಾಪಿ ಮನ್ಶಾಕುಳಾಚೆಂ
ತುಜೆರ್, ಖುರ್ಸಾ, ತಯಾರ್ ಜಾಲೆಂ ಶಾಬಿತ್ ಆರ್ಕ್ ಸೊಡ್ವಣೆಚೆಂ;
ರುಕಡ್ ತುಜೆಂ ಪವಿತ್ ಕೆಲೆಂ, ವ್ಹಾರೊವ್ನ್ ರಗತ್ ಶೆಳಿಯೆಚೆಂ

11. ಸರ್ವ್ ಭಾಗೆವಂತ್ ತ್ರಿಏಕ್ ದೆವಾಕ್, ವೈಭವ್ ಆನಿ ಮಹಿಮಾ ಜಾಂವ್;
ಬಾಪಾಕ್, ಪುತಾಕ್, ಪವಿತ್ರ್ ಅತ್ಮ್ಯಾಕ್ ಸಮಾಸಮಿ ನಾಂವಾಡ್ತಾಂವ್;
ತೆಗಾಂಯ್ಚ್ಯಾ ತ್ಯಾ ಸದೆಂವ್ ನಾಂವಾಕ್ ನಿತ್ಯೆಕಾಳಿಂ ಹರ್ಸಿತಾಂವ್. ಆಮೆನ್