ನಮಾನ್ ಆಂಕ್ವಾರ್ ಮರಿಯೆ, ದೇವ್ ಪುತಾಚೆ ಮಾಯೆ
ಆಂಜ್ ಭಡ್ವ್ಯಾಂಚೆ ರಾಣಿಯೆ, ಆಮ್ಚೆ ವ್ಹಡ್ ಶೆಕಾಯೆ

ಆಮ್ಚಿ ಮಾಯ್ ಮ್ಹಣ್ ದಾಕಯ್, ಆಮ್ಕಾಂ ಮೊಗಾನ್ ವಾಗಯ್
ದೇವ್ ಭಿರಾಂತಿನ್ ವಾಡಯ್, ಜೆಜು ಸರ್ಶಿನ್ ಪಾವಯ್

ಮಾಗ್ತಾಂವ್ ತುಜಿ ಸಸಾಯ್, ಆಮ್ಚಿಂ ವಿಘ್ನಾಂ ನಿವ್ರಾಯ್
ಆಮ್ಚ್ಯೊ ತಾಳ್ನ್ಯೊ ಧಾಂವ್ಡಾಯ್, ಜಯ್ತ್ ವ್ಹರುಂಕ್ ದಿ ಘಟಾಯ್

ಪಡ್ಲ್ಯಾರ್ ವೆಗ್ಗಿಂ ಉಟಯ್, ಆಮ್ಚ್ಯೊ ಸಾಂಕ್ಳ್ಯೊ ತುಟಯ್
ಕುರ್ಪೆನ್ ಪರ್ತುನ್ ನೆಟಯ್, ದೇವ್‍ಮೋಗ್ ಕಾಳ್ಜಾಂತ್ ಸಜಯ್

ಆನಂದ್ ದೆವಾ ಬಾಪಾಕ್, ತಾಚ್ಯಾ ಎಕ್ಲ್ಯಾಚ್ ಪುತಾಕ್
ಆನಿ ಪವಿತ್ರ್ ಅತ್ಮ್ಯಾಕ್, ತೆಗಾಂ ಥಂಯ್ ಎಕ್ಲ್ಯಾಕ್