ಧಿನ್ವಾಸ್ಣೆಚೆಂ ಪವಿತ್ರ್ ಬಲಿದಾನ್
ಭಕ್ತಿನ್ ಬಾಪಾ ತುಕಾ ಭೆಟಯ್ತಾಂವ್
ಕ್ರಿಸ್ತಾ ಮರಣ್ ಪುನರ್ ಜಿವಂತ್ಪಣ್
ಏಕ್ ಕುಟಮ್ ಜಾವ್ನ್ ಆನಿ ಸಂಭ್ರಮ್ತಾಂವ್

1. ತುಜ್ಯಾ ಪುತಾಕ್ ಸಂಸಾರಿಂ ಧಾಡುನ್
ತುಜಿ ಕಾಕುಳ್ತ್ ಆಮ್ಕಾಂ ದಾಕಯ್ಲ್ಯಾಯ್
ಪವಿತ್ರ್ ಅತ್ಮ್ಯಾಕ್ ದೆಣೆಂ ಜಾವ್ನ್ ದಿವುನ್
ತುಜ್ಯೆ ಕುರ್ಪೆನ್ ಆಮ್ಕಾಂ ನೆಟಯ್ಲ್ಯಾಂಯ್
ವಿಚಿತ್ರ್ ತುಜಿಂ ಹಿಂ ಕೃತ್ಯಾಂ ನಿಯಾಳ್ನ್
ಮೊಗಾನ್ ಆಮಿ ತುಕಾ ವಾಖಾಣ್ತಾಂವ್

2. ಫಿರ್ಗಜ್ ಕುಟ್ಮಾಕ್ ಆಮ್ಚ್ಯಾ ಜಿವಾಳ್ ಕರ್
ಸುವಾರ್ತೆಚ್ಯಾ ಉಜ್ವಾಡಾನ್ ತುಂ ಭರ್
ಮೊಗಾ ಬಾಂದಾಂತ್ ಆಮ್ಕಾಂ ತುಂ ಥಿರ್ ಕರ್
ಸೆವಾ ಕರುಂಕ್ ಆಮ್ಕಾಂ ಉರ್ಬೆಸ್ತ್ ಕರ್.
ಸಂಸ್ರಾಂತ್ ತುಜಿ ಸಾಕ್ಸ್ ಜಾಂವ್ಕ್ ಫಾವೊ ಕರ್
ಸಮಾಧಾನಾಚಿಂ ಹಾತೆರಾಂ ಕರ್