ಧಿನ್ವಾಶಿ ಕಾಳ್ಜಾನ್ A-24

ಧಿನ್ವಾಶಿ ಕಾಳ್ಜಾನ್ ಬಾಪಾ, ತುಜೆ ಸಮೊರ್ ಆಯ್ಲ್ಯಾಂವ್
ಅರ್ಗಾಂ ಬಲಿದಾನ್ ಭೆಟೊಂವ್ಕ್ ಜಮ್ಲ್ಯಾಂವ್
ಆಮ್ಚೆರ್ ತುವೆಂ ವೊತ್‍ಲ್ಲ್ಯಾ ಕುರ್ಪೆ ದೆಣ್ಯಾಂ ಪಾಸತ್
ಮಹಿಮಾ ತುಜಿ ಗಾತಾಂವ್

1. ಸಗ್ಳೆ ಸೃಶ್ಟಿಚೊ ರಚ್ನಾರ್ ತುಂ, ಆಮ್ಚೊ ಮೋಗ್ ಕರ್ತಾಯ್
ಹರ್ಯೇಕ್ ಜಿವಿಚೊ ಮೊಗಾನ್ ಪೋಸ್ ಕರ್‍ತಾಯ್
ಕುರ್ಪೆ ದೆಣೆಂ ದಿವುನ್ ಆಮ್ಕಾಂ ತಾರಣ್ ಲಾಭಯ್ತಾಯ್
ಭುರ್ಗ್ಯಾಂಕ್ ಆಮ್ಕಾಂ ತುಜ್ಯಾ ಗೊಪಾಂತ್ ಘೆತಾಯ್

2. ಮೊವಾಳ್ ಆಮ್ಚೊ ಬಾಪುಯ್ ತುಂ, ತುಕಾ’ಮಿ ವಾಖಾಣ್ತಾಂವ್
ಅರ್ಗಾಂ ಸ್ತುತಿ ಗಿತಾಂ ಗಾವ್ನ್ ನಾಂವಾಡ್ತಾಂವ್
ಸರ್ವ್ ತುಜ್ಯಾ ದೆಣ್ಯಾಂ ಖಾತಿರ್ ಅರ್ಗಾಂ ಆಮಿ ದಿತಾಂವ್
ಜೆಜು ಸಂಗಿಂ ಬಲಿದಾನ್ ಭೆಟಯ್ತಾಂವ್