ದೇವ್ ಆಮ್ಕಾಂ ಜಾಯ್ ಆಂಕ್ವಾರಿ ಮರಿಯೆ
ಗ್ರಾಣೆಂ ಆಯ್ಕ್ ತುಜ್ಯಾ ಭುಗ್ರ್ಯಾಂಚೆಂ
ಸರ್ವಾಂ ಪ್ರಾಸಿ ಮೊಗಾಳಿ ಮಾಯೆ
ಪಯ್ಸ್ ಕರ್ನಾಕಾ ಮಾಗ್ಣೆಂ ಆಮ್ಚೆಂ
ಮಾಯೆ, ತುಜೆ ಸರ್ಶಿಂ ಯೆತಾಂವ್
ದೇವ್ ಆಮ್ಕಾಂ ಜಾಯ್ ಮ್ಹಣ್ ಮಾಗ್ತಾಂವ್
ದೇವ್ ಆಮ್ಕಾಂ ಜಾಯ್, ರಾಯ್ ತೊ ಸರ್ವಾಂಚೊ
ದೇವ್ ಆಮ್ಕಾಂ ಜಾಯ್, ಬಾಪುಯ್ ಆಮ್ಚೊ

ದೇವ್ ಆಮ್ಕಾಂ ಜಾಯ್, ಮಾಗ್ತಾಂವ್ ಆಜ್ ಆಮಿ
ಸರ್ಪಡುನ್ ಆಲ್ತಾರಾ ಮುಕಾರ್
ತಾಳೆ ಆಮ್ಚೆ ಆಯ್ಕುಂದಿ ಸೊಮಿ
ಅತ್ರೆಗ್ ಆಮ್ಚೊ ಪಾವುಂ ಸರ್ಗಾರ್

ದೇವ್ ಆಮ್ಕಾಂ ಜಾಯ್, ಆಮ್ಚ್ಯಾ ಘರಾಣ್ಯಾಂತ್
ಭುಗ್ರ್ಯಾಂಚ್ಯಾ ಕಾಳ್ಜಾಂತ್ ರಾಜ್ ಕರುಂಕ್
ಚಲಿಯಾಂಕ್ ದವ್ರುಂಕ್ ನಿಸ್ಕಳ್ ಶೆಗುಣಾಂತ್
ಚೆಕ್ರ್ಯಾಂಕ್ ಸಾರ್ಕೆ ವಾಟೆನ್ ವ್ಹರುಂಕ್