ದೆಖೊಂಕ್ ನಾ ತುಕಾ ಆಮಿ ತರೀ
ಮೋಗ್ ಆಮಿ ತುಜೊ ಕರ್ತಾಂವ್;
ಪಳೆಂವ್ಕ್ ನಾ ತುಕಾ ಕೆದಾಳಾರೀ, ಆಮಿ ಪಾತ್ಯೆತಾಂವ್
ತುಜೆರ್ ಥಿರ್ ಭರ್ವಸ್ತಾಂವ್

1. ಭಾಗಿ ತೊ ತುಜ್ಯಾ ಉತ್ರಾಂ ಪ್ರಕಾರ್ ಚಲ್ಚೊ
ನಾ ತೊ ಮರಣ್ ಪಳೆಂವ್ಚೊ
ವಾಂಟೆಲಿ ತೊ ನವ್ಯಾ ಜಿವಿತಾಚೊ
ಸೊಮ್ಯಾ, ಕೊಣಾ ಲಾಗಿಂ ವಚುಂ ಆಮಿ
ತುಜೆ ಥಂಯ್ ಆಸಾತ್ ಉತ್ರಾಂ ಜಿವಿತಾಚಿಂ.

2. ಭಾವಾರ್ಥಾನ್ ಆಮ್ಚ್ಯಾ ಕಾಳ್ಜಾಂತ್ ತುಂ ಆಸಾಯ್
ಜಾ ತುಂ ಆಮ್ಚ್ಯಾ ಕಾಳ್ಜಾಂಚೊ ರಾಯ್
ತುಜೆ ಸಕ್ತೆನ್ ಭಾವಾರ್ಥ್ ಆಮ್ಚೊ ಜಳಯ್
ಸೊಮ್ಯಾ,….

3. ತುಜ್ಯಾ ಸಂತೊಸಾಂತ್ ಸದಾಂ’ಮಿ ಜಿಯೆಂವ್ಚ್ಯಾಕ್
ತುಜೆ ಶಾಂತಿಂತ್ ದೀಸ್ ರಾತ್ ಆಸ್ಚ್ಯಾಕ್
ಲಾಭಯ್ ಕೀರ್ತ್ ತುಜಿ ಗಾಂವ್ಕ್ ಸಾಸ್ಣಾ ಸಾಸ್ಣಾಕ್
ಸೊಮ್ಯಾ,….