ದುಲಬ್ ಜೆಜು ಮೊಗಾಳ್ ಉದಾರ್, ಕಿತ್ಲೊ ಮೊವಾಳ್ ಇಶ್ಟ್ ಆಮ್ಚೊ
ಆಮ್ಚೆ ಸಂಗಿ ದೀಸ್ ರಾತ್ ರಾವ್ತಾ, ಆಮ್ಕಾಂ ಸಾಂಬಾಳ್ನ್ ಚಲಯ್ತಾ
ತಾಚೆ ಬಗರ್ ಹೆರ್ ಕೊಣ್ ಆಸಾ ಸಂಪೂರ್ಣ್ ಪ್ರೀತ್ ಮೋಗ್ ಕರ್ತಲೊ?
ತಾಚೊ ಸಾಂಗಾತ್ ಆಮ್ಕಾಂ ದಿತಾ ವಾಂಟೊ ದೈವಿಕ್ ಮೊಗಾಚೊ

ಕಾಕುಳ್ತ್ ತಾಚಿ ಕೆದಿ ವರ್ತಿ, ಭಿರ್ಮತಿಚೊ ದಯ್ರೊ ತೊ
ವೆಚಿಕ್ ಅತ್ಮ್ಯಾಂಕ್ ಪೊಟ್ಲುನ್ ಧರ್ತಾ, ಆಪ್ಲ್ಯಾಚ್ ರಗ್ತಾನ್ ನ್ಹಾಣಯ್ತಾ
ಬಾಪಾಕ್ ದಿತಾ ತಾಂಕಾಂ ಒಪುನ್ ಕುರ್ಪೆ ಶೆಲ್ಯಾನ್ ನೆಟಯ್ತಾ
ಆಪ್ಲೆಂಚ್ ರಗ್ತ್‍ಮಾಸ್ ತಾಂಕಾಂ ಖಾವವ್ನ್ ತಾಂಚೆ ಥಂಯ್ ತೊ ಏಕ್ ಜಾತಾ

ಮೊಗಾಳ್ ಇಶ್ಟಾ ಜೆಜು ಸೊಮ್ಯಾ, ಸಾಸ್ಣಾ ಥಾವ್ನ್ ಮೋಗ್ ಕರ್ತಲ್ಯಾ
ಮಾನ್ತಾಂವ್ ಸಾಯ್ಬಾ ತುಜೊ ಉಪ್ಕಾರ್, ಸರ್ಪಡ್ನ್ ಕರ್ತಾಂವ್ ನಮಸ್ಕಾರ್
ಜಾ, ತುಂ ಆಮ್ಚೊ ಇಶ್ಟ್ ತ್ಯಾ ಸಾಸ್ಣಾಂತ್, ಜೀಣ್ ಹಿ ಜಾತಚ್ ಕಾಬಾರಿ
ನಿರ್ಮಿ ಆಮಿ ಭೊಗುಂಕ್ ತುಕಾ, ರೂಪ್ ರೂಪ್ ಭಾಗಿ ಸರ್ಗಾರಿ