1. ದುರ್ಬಳಿ ಆಮ್ಚಿ ಜಿಣಿ, ತುವೆಂಚ್ ದಿಲೆಲಿಂ ಸರ್ವ್ ದೆಣಿಂ
ಘೆವುನ್ ಆಯ್ಲ್ಯಾಂವ್ ಖಾಲ್ತೆಪಣಿಂ, ನಿತಳ್ ನಿರ್ಮಳ್ ಮನಿಂ
ಜೆಜು ಆಮ್ಚ್ಯಾ ಸೊಮ್ಯಾ ಸಂಗಿಂ, ಜಮ್ಲ್ಯಾಂವ್ ತುಜೆ ಲಾಗಿಂ
ಮಾನುನ್ ಘೆ ಒಪುನ್ ಘೆ, ಕಿರ್ಕೊಳ್ ಆಮ್ಚಿ ಹಿ ಕಾಣಿಕ್

ಸ್ವೀಕಾರ್ ಕರ್ ಮೊಗಾಳ್ ಬಾಪಾ
ಆಮ್ಕಾಂಚ್ ಅರ್ಪಿತಾಂವ್ ತುಕಾ
ಉಂಡ್ಯಾ ವಾಯ್ನಾ ಸವೆಂ ಘೆ ತುಂ ಆಮ್ಕಾಂ
ಭರ್ ಆಮ್ಚೆಂ ಜಿವಿತ್ ಮೊಗಾನ್ ತುಜ್ಯಾ

2. ಆಮ್ಚೆಂ ಜೆಂ ಕಿತೆಂಯ್ ಆಸಾ, ತುಜೆಂಚ್ ದೆಣೆಂ ಜಾವ್ನಾಸಾ
ತುಜೆ ಆಶೆಕ್, ತುಜೆ ಖುಶೆಕ್ ಖಾಲ್ ಜಾಂವ್ಕ್ ರಾಕೊನ್ ಆಸಾ
ತನ್ ಮನ್ ಧನ್ ಆಮ್ಚೆಂ ಸಮರ್ಪಿತಾಂವ್ ಆಯ್ಚ್ಯಾ ದಿಸಾ
ಜೀವನ್ ಹೆಂ ತರ್ ಪಾವನ್ ಕರ್ ಕುರ್ಪಾ ತುಜಿ ವೊತುನ್ ಆಮ್ಚೆರ್