ತುಜ್ಯಾ ಪಾಂಯಾಂಕ್ ಪಡ್ತಾಂವ್
ಆನಿ ಹೊಗಳ್ಸಿತಾಂವ್ ಮೊಗಾಳ್ ಲುವಿಸಾ,
ತುಂ ಜಾ ಪಾತ್ರೊನ್ ಆಮ್ಚೊ
ವ್ಹಡ್ ಆನಿ ಮೊಗಾಚೊ ಮೊಗಾಳ್ ಲುವಿಸಾ

ಪಯ್ಸ್ ಕರ್ ತುಂ ಆಮ್ಚೆಂ ಗರ್ವ್
ಆನಿ ಪಾಶಾಂವ್ ಹೆರ್ ಸರ್ವ್ ಮೊಗಾಳ್ ಲುವಿಸಾ,
ಬಳ್ ಮೊಡ್ ದೆಂವ್ಚಾರಾಚೆಂ
ಕುಡಿ ಸಂಸಾರಾಚೆಂ ಮೊಗಾಳ್ ಲುವಿಸಾ

ಶಿಕಯ್ ತುಂ ನಿಸ್ಕಳ್ಪಣ್
ಭ್ಯೆಂ ಆನಿ ಖಾಲ್ತೆಪಣ್ ಮೊಗಾಳ್ ಲುವಿಸಾ,
ಸರ್ವ್ ಗೂಣ್ ತುಜೆ ಶಿಕಯ್
ಆಮ್ಚೆ ಥಂಯ್ ತೆ ಖಂಚಯ್ ಮೊಗಾಳ್ ಲುವಿಸಾ.

ಕಾಳ್ಜಾಂ ಆಮ್ಚಿಂ ನೆಟಯ್
ಜೆಜುಚೊ ಮೋಗ್ ಪೆಟಯ್ ಮೊಗಾಳ್ ಲುವಿಸಾ,
ತುಜೆ ಪರಿಂ ಆಮಿ ಜಾಂವ್ಕ್
ಆನಿ ಜೆಜುಕ್ ಮೆಚ್ವೊಂಕ್ ಮೊಗಾಳ್ ಲುವಿಸಾ

ನೀಟ್ ಮಾರ್ಗ್ ಆಮ್ಕಾಂ ದಾಕಯ್
ತಾಚೆರ್ ಚಲುಂಕ್ ಶಿಕಯ್ ಮೊಗಾಳ್ ಲುವಿಸಾ,
ತುಜೊ ಪಾಟ್ಲಾವ್ ಕರುಂಕ್
ಆನಿ ಬರಿ ದೇಖ್ ದಿಂವ್ಕ್ ಮೊಗಾಳ್ ಲುವಿಸಾ

ಸದಾಂಚ್ ಸಾಂಗಾತಾ ರಾವ್
ಮೊರ್ನಾಚೆ ಘಡಿಯೆ ಪಾವ್, ಮೊಗಾಳ್ ಲುವಿಸಾ.
ಕಶ್ಟಾಂತ್ ಆಮ್ಕಾಂ ಬುಜೊಂವ್ಕ್
ಅಂತಿಮ್ ಸರ್ಗಾರ್ ಪಾವೊಂವ್ಕ್ ಮೊಗಾಳ್ ಲುವಿಸಾ. ಆಮೆನ್.