ತುಜೆ ಪಾಸುನ್, ಮ್ಹಜೆ ಪಾಸುನ್ (2)
ಆಯ್ಲಾ, ಆಯ್ಲಾ ಸೊಮಿ ಮನಿಸ್ ಜಾವುನ್
ದೈವಿಕ್ ಸುಸಂದೇಶ್ ಹಾಡುನ್
ದೆವಾಕ ಆಆಮ್ಚೆಂ ಜಾವ್ನ್ ಬಲಿದಾನ್
ತುಜೆ ಪಾಸುನ್, ಮ್ಹಜೆ ಪಾಸುನ್.

ಜೆಜು ಗುರ್ತ್ ದೈವಿಕ್ ಮೊಗಾಚೊ, ಆಯ್ಲಾ ಜಾವುನ್ ತಾರಕ್ ಆಮ್ಚೊ
ಖರೆಂಚ್ ಬಲಿದಾನ್ ಕಿತೆಂ ಮ್ಹಣ್, ತಾಣೆಂ ಶಿಕಯ್ಲಾಂ’ಮ್ಕಾಂ ಮೊಗಾನ್
ಜೆಜು ಬಾಳಕ್ ಜಾವ್ನ್ ಜಲ್ಮಲಾ, ತುಜೆ ಪಾಸುನ್, ಮ್ಹಜೆ ಪಾಸುನ್

ಸಂಸ್ರಾ ಸಾಗರಾಂತ್ ಯೆವುನ್, ಪ್ರಕಾಸ್ ಅಂಧ್ಕರಾಂತ್ ಫಾಂಕೊವ್ನ್
ನಿದ್ರೆಸ್ತ್ ಸಂಸಾರಾಕ್ ಉಠೊವ್ನ್, ಬಚಾವೆಚಿ ವಾಟ್ ದಾಕವ್ನ್
ಆಯ್ಲಾ ಮೊಗಾ ಜಿವಿತ್ ಜಾವುನ್, ತುಜೆ ಪಾಸುನ್, ಮ್ಹಜೆ ಪಾಸುನ್

ಆಮ್ಚೇ ಜಿಣಿಯೆಚೊ ತೊ ಆಸ್ರೊ, ನಾ ಕೊಣ್ ತಾರಕ್ ಆಮ್ಕಾಂ ದುಸ್ರೊ
ಯೆಯಾ, ಗಾಜವ್ಯಾಂ ಹಿ ವಾರ್ತಾ, ಆಖ್ಯಾ ಸಂಸಾರಾಕ್ ಶುಭ್‍ವಾರ್ತಾ
ಆಯ್ಲಾ ಸಾಸ್ಣಿಕ್ ಜಿವಿತ್ ಹಾಡುನ್, ತುಜೆ ಪಾಸುನ್, ಮ್ಹಜೆ ಪಾಸುನ್