ತುಜಿ ಖುಶಿ ಕರ್ಚ್ಯಾಕ್ ತಯಾರ್ ಹಾಂವ್ ಜಾತಾಂ
ಪವಿತ್ರ್ ಉತರ್ ತುಜೆಂ ಪಾಳುಂಕ್ ಆಶೆತಾಂ
ಸೊಮ್ಯಾ ತುಜೆ ಥಂಯ್ ಹಾಂವ್ ಭರ್ವಸ್ ದವರ್ತಾಂ
ಸದಾಂಚ್ ತುಜ್ಯಾ ಮೊಗಾನ್ ಜಿಯೆಂವ್ಕ್ ಆಶೆತಾಂ

ತುಜೆಂ ಥಂಯ್ ಆಸಾ ಭಂಡಾರ್ ಕುರ್ಪೆಚೆಂ
ಉಘಡ್ತಾಯ್ ತುಂ ಮ್ಹಾಕಾ ಕಾಳಿಜ್ ಮೊಗಾಚೆಂ
ತಯಾರ್ ಕೆಲಾಂಯ್ ಸೊಭಿತ್ ರಾವ್ಳೆರ್ ಶಾಂತಿಚೆಂ
ದಿತಾಯ್ ಜಿವಿತ್ ಮ್ಹಾಕಾ ಸರ್ಗಾ ರಾಜ್ಯಾಚೆಂ

ತುಜೆಂ ಉತರ್ ಪಾಳುನ್ ಚುಕೊನ್ ಪಡ್ಚೊನಾಂ
ತುಜೊ ಸಾಂಗಾತ್ ಸೊಧುನ್ ನಿರಾಸ್ ಭೊಗ್ಚೊನಾಂ
ತುಜೇ ವಾಟೆನ್ ಚಲುನ್ ಅಂಧ್ಕಾರ್ ದೆಖ್ಚೊನಾಂ
ತುಜಿ ಸೆವಾ ಕರುನ್ ಸ್ವಾರ್ಥಿ ಜಾವ್ಚೊನಾಂ.