ತುಕಾ’ಮಿ ನಾಂವಾಡ್ತಾಂವ್ ದೆವಾ ಸ್ತುತಿ ಕರುನ್ ತುಜಿ,
ತುಕಾ ಸಾಸ್ಣಿಕ್ ಸರ್ಗಿ ಬಾಪಾ ವಂದಿತಾ ಸರ್ವ್ ಪೃಥ್ವಿ

ಆಂಜಾಳ್ ಫವ್ಜಿ ಸರ್ಗಿ ತುಕಾ ದೀಸ್ ರಾತ್ ವಂದನ್ ಕರ್ತಾತ್
ಪವಿತ್ರ್ ಪವಿತ್ರ್ ಪವಿತ್ರ್ ಮ್ಹಣುನ್ ತುಕಾ ತ್ಯೊ ವಾಖಾಣ್ತಾತ್

ಆಕಾಸ್ ಭರೊನ್ ಗೆಲಾ ತುಜೆ ಮಹಿಮೆಚ್ಯಾ ವೈಭವಾನ್
ಪೃಥ್ವಿ ಗಾಜ್ತಾ ಧರ್ಮ್‍ದುತಾಂಚ್ಯಾ ಸ್ತುತಿಭರಿತ್ ತಾಳ್ಯಾನ್

ರಗ್ತ್‍ಸಾಕ್ಷಿಂಚೆಂ ಝಗ್‍ಝಗಿತ್ ಸೈನ್ ತುÁ ನಾಂವಾಡಿತಿ
ಪವಿತ್ ಸಭಾ ವರ್ಣಿತ್ ತುಕಾ ಸಗ್ಳ್ಯಾ ಸಂಸಾರಾರಿ

ಏ ಕ್ರಿಸ್ತಾ, ರಾಯಾ ಮಹಿಮೆಚ್ಯಾ, ಕರ್ಚ್ಯಾಕ್ ಮನ್ಶಾ ಸೊಡ್ವಣ್
ಆಯ್ಲೊಯ್ ಆಂಕ್ವಾರಿಚೆ ಕುಶಿಂತ್, ಸರ್ಗಿಂಚೊ ಗಾಂವ್ ಸಾಂಡುನ್

ಮರ್ಣಾಚಿ ಖೊಂಚ್ ಚೆಂಚುನ್ ತುವೆಂ ಉಘಡ್ಲೆಂಯ್ ಸರ್ಗಾ ರಾಜ್
ನಿತಿಕರ್ತ್ ಜಾವ್ನ್ ಯೆತಲೊಯ್ ಮ್ಹಣ್ ಆಮಿ ಸತ್ಮಾನ್ತಾಂವ್ ಆಜ್

ತುಜ್ಯಾ ರಗ್ತಾನ್ ಸೊಡಯ್ಲ್ಯಾ’ಮ್ಕಾ ಪಾವ್ ಮ್ಹಣ್ ಪ್ರಾರ್ಥನ್ ಮಾಗ್ತಾಂವ್
ಭಕ್ತಾಂ ಸವೆಂ ಸ್ತುತಿ ತುಜಿ ಗಾಂವ್ಕ್ ಆಮಿ ಆಶೆತಾಂವ್

ಪಾತ್ಕಾಂತ್ ಆಮಿ ಪಡನಾಶೆಂ ರಾಖ್ ತುಂ ಆಯ್ಚ್ಯಾ ದಿಸಾ
ತುಜೆರ್ ಖರೆಂಚ್ ಭರ್ವಸ್ಲಲ್ಯಾಂಕ್ ಲಾಭೊಂ ತುಜಿ ದಯಾ

ತುಜೆರ್‍ಚ್ ಆಮ್ಚಿ ಪಾತ್ಯೆಣಿ, ನಾ ಕೊಣ್ ಆಮ್ಕಾಂ ದುಸ್ರೊ
ನಿರ್ಫಳ್ ಕೆದಿಂಕ್‍ಚ್ ಜಾಯ್ನಾ ಜಾಂವ್, ಮ್ಹಜೊ ಹೊ ಭರ್ವಸೊ

ಬಾಪಾಕ್ ವ್ಹಡಾ ವೈಭವಾಚ್ಯಾಕ್, ತಾಚ್ಯಾ ನಿಜಾ ಪುತಾಕ್
ಭುಜ್ವಣ್ದಾರಾ, ಪವಿತ್ರ್ ಅತ್ಮ್ಯಾಕ್ ಜಾಂವ್ ಮಾನ್, ಹೊಗ್ಳಿಕ್ ಸಾಸ್ಣಾಕ್.
ಆಮೆನ್.

ಯಾ : ಬಾಪಾಕ್ ಆನಿ ಪುತಾಕ್ ಪವಿತ್ರ್ ಅತ್ಮ್ಯಾ ಸವೆಂ ಆಮಿ ಹರ್ಸಿಯಾಂ
ಲೊ : ಸದಾಂಕಾಳ್ ತಾಚಿ ಸ್ತುತಿ ಕರ್ಯಾಂ, ತಾಚಿ ಮಹಿಮಾ ಗಾವ್ಯಾಂ
ಯಾ : ಸೊಮ್ಯಾ, ದಯೆನ್ ಆಯ್ಕ್ ಮ್ಹಜೆಂ ಮಾಗ್ಣೆಂ
ಲೊ : ಆನಿ ಮ್ಹಜೊ ಉಲೊ ತುಜೆಶಿಂ ಪಾವುಂ
ಯಾ : ಸೊಮಿ ತುಮ್ಚೆ ಸವೆಂ ಆಸುಂ
ಲೊ : ತುಮ್ಚೆಯ್ ಸವೆಂ ಆಸುಂ