ತುಂಚ್ ಸೊಮ್ಯಾ ಭರ್ವಸೊ, ತುಂಚ್ ಸೊಮ್ಯಾ ಭದ್ರ್ ಆಸ್ರೊ
ರಕ್ಷಕ್ ತುಂ ಧಯ್ರ್ ದಿಂವ್ಚೊ, ಜಿಣಿಯೆ ಝುಜಾಂತ್ ಜಯ್ತ್ ದಿಂವ್ಚೊ

1. ಭ್ಯೆಂ ನಾ ಕಸ್ಲೆಂಚ್ ಅಂಧ್ಕಾರ್ ರಾತ್ ಜಾಲ್ಯಾರಿ
ವಾರೆಂ ವಾದಾಳ್ ಭೊಂವ್ತಿಂ ಉಠ್ಲ್ಯಾರಿ
ಫಾಂಕಯ್ ಉಜ್ವಾಡ್ ದಯೆನ್ ಮ್ಹಜೆರ್ ತುಜೊ
ತುಜೆರ್ ಸೊಮ್ಯಾ ಭರ್ವಸೊ

2. ಎಕ್ಸುರೊ ತರ್ ಪಯ್ಣಾರ್ ಹಾಂವ್ ಆಸ್ಲ್ಯಾರಿ
ಕಾಂಟೆ ಖುಂಟೆ ಕಿತ್ಲೆಯ್ ವೆಳ್ಳ್ಯಾರಿ
ದಿಶ್ಟ್ ಕಾಡ್ಚೊನಾ ಕೆದಿಂಚ್ ತುಜೆ ವಯ್ಲಿ
ವಾಟ್ ಬಾಪಾ ಥಂಯ್ ವ್ಹರ್ನ್ ಪಾಂವ್ಚಿ

3. ಮೊರ್ನಾಕ್ ಕಿತ್ಯಾಕ್ ತರ್ ಹಾಂವೆಂ ಭಿಯೆಂವ್ಕ್ ಜಾಯ್?
ಕಶ್ಟಾಂ-ವಾಂವ್ಟಿಕ್ ಕಿತ್ಯಾಕ್ ತಗ್ಸೊಂಕ್ ಜಾಯ್?
ತುಜೆರ್ ದವರ್ಲ್ಯಾರ್ ಭರ್ವಸೊ ಮ್ಹಜೊ
ಸಾಸ್ಣಿಕ್ ಜಿವಿತ್ ಜೊಡ್ತಲೊಂ

4. ಖುರಿಸ್ ಜಿಣಿಯೆಚೊ ಬೋವ್ ಜಡ್ ಜಾತಾನಾ
ತಾಚ್ಯಾ ಪಂದಾಕ್ ಹಾಂವ್ ಚಡ್ ಅಡ್ಚತಾನಾ
ಉಗ್ಡಾಸ್ ಸೊಮ್ಯಾ ತುಜೊ ಹಾಂವ್ ಕಾಡ್ತಲೊಂ
ಸಂತೊಸಾನ್ ವಾಟ್ ಚಲ್ತಲೊಂ