1. ಜೆಜು ಹಾಂವ್ ತುಕಾ ಕಾಳ್ಜಾಂತ್ ಹ್ಯಾ ಘೆತಾಂ
ಸಂತೊಸಾನ್ ತುಜೆಂ ಮಾಸ್ ರಗತ್ ಸೆವ್ತಾಂ
ತುಜೆ ಥಂಯ್ ಜೆಜು ಆಜ್ ಹಾಂವ್ ಏಕ್ ಜಾತಾಂ
ತುಜೆರ್‍ಚ್ ಸೊಮ್ಯಾ ಪಾತ್ಯೆವ್ನ್ ಹಾಂವ್ ರಾವ್ತಾ

ಜೆಜು ಯೆ ತುಂ ಕಾಳ್ಜಾಂತ್, ಬಿಡಾರ್ ಕರ್ ಹ್ಯಾ ಠಾಣ್ಯಾಂತ್
ತುಕಾ ಘೆಂವ್ಕ್ ಸದಾಂ ಹಾಂವ್ ಆಶೆತಾಂ
ಅತ್ಮೊ ಮ್ಹಜೊ ತುಕಾ ಸದಾಂನಿತ್ ಅತ್ರೆಗ್ತಾಂ
ತುಕಾ ಸೆಂವ್ಕ್ ತೊ ಆತಾಂ ಲಾಲೆತಾಂ

2. ಜೆವ್ಣಾರ್ ತುವೆಂ ಉಂಡೊ ಮೊಡುನ್ ದಿಲೊಯ್
ಘೆಯಾ ಖಾಯಾ ಮ್ಹಣುನ್ ತುಕಾಚ್ ಭೆಟಯ್ಲೊಯ್
ಅತ್ಮ್ಯಾಚೆಂ ಖಾಣ್ ಜಾವ್ನ್ ಉಂಡ್ಯಾಂತ್ ತುಂ ಆಯ್ಲೊಯ್
ಖುಶೆನ್ ಖುರ್ಸಾರ್ ಮರೊಂಕ್ ತಯಾರ್ ಜಾಲೊಯ್

3. ಜಿವಿತ್ ದಿಂವ್ಚೊ ಉಂಡೊ ತುಂ ಜಾವ್ನಾಸಾಯ್
ಹರೇಕ್ ದೀಸ್ ಹ್ಯಾ ಉಂಡ್ಯಾನ್ ಮ್ಹಾಕಾ ಪೊಸ್ತಾಯ್
ಅತ್ಮ್ಯಾಕ್ ಮ್ಹಜ್ಯಾ ಸದಾಂ ಘಟಾಯ್ ದಿತಾಯ್
ಸಾಸಾಣ್ ಜಿವಿತ್ ತುಂ ಮ್ಹಾಕಾ ಭಾಸಾಯ್ತಾಯ್