ಜೆಜು ತುಂ ಯೆ ಕಾಳ್ಜಾಂತ್ ತುಂ ಯೆ, ತುಂ ಯೆ
ಬಿಡಾರ್ ಕರುಂಕ್ ತುಂ ಯೆ
ತುಜೆ ಸಮೊರ್ ಆಯ್ಲ್ಯಾಂವ್, ತುಕಾ ರಾಕೊನ್ ರಾವ್ಲ್ಯಾಂವ್
ಲಾಗಿಂ ಯೆ ತುಂ ವೆಗಿಂ ಯೆ

1. ತುಂ ಜಾವ್ನಾಸಾಯ್ ಉಜ್ವಾಡ್ ಕಾಳೊಕ್ ಪಯ್ಸ್ ಧಾಂವ್ಡಾಂವ್ಚೊ
ಮೊರ್ನಾ ಕಾಳೊಕ್ ನಿವ್ರಾವ್ನ್ ಅಮರ್ ಜಿವಿತ್ ಲಾಭೊಂವ್ಚೊ
ಉಜ್ವಾಡ್ ಫಾಂಕಯ್ ಜಿವಿತ್ ಲಾಭಯ್
ಸರ್ಗಿಂ ನಿವಾಸಾಕ್ ಪಾವಯ್

2. ತುಂ ಜಾವ್ನಾಸಾಯ್ ಗೊವ್ಳಿ ಶೆಳಿಯಾಂಕ್ ಮೊಗಾನ್ ಪೊಸ್ಚೊ
ಪಾಚ್ವೊ ಚರವ್ ದಿವ್ನ್ ಆತ್ಮಿಕ್ ಭುಕ್ ಥಾಂಬೊಂವ್ಚೊ
ಸರ್ಗಿಂ ಖಾಣಾನ್, ದೈವಿಕ್ ದೆಣ್ಯಾನ್
ಕರ್ ಸೊಮ್ಯಾ ಜೀವನ್ ಪಾವನ್

3. ಸೊಮ್ಯಾ ತುಜೆ ವಿಣೆಂ, ರಿತೆಂ ಆಮ್ಚೆಂ ಜಿಣೆಂ
ಆಮ್ಚ್ಯಾ ಹ್ಯಾ ಜಿವಿತಾಂತ್, ತುಂಚ್ ತೆಂ ಸರ್ಗಿಂ ದೆಣೆಂ
ಉಘಡ್ಲಾಂ ದಾರ್, ಕರ್ ತುಂ ಬಿಡಾರ್
ಜಾ ಆಮ್ಚೊ ನೀಜ್ ಸೊಡ್ವೊಣ್ದಾರ್