ಜೆಜು ಕಾಡ್ತಚ್ ತುಜೊ ಉಗ್ಡಾಸ್, ಗೊಡ್ಸಾಣ್ ಭರ್ತಾ ಕಾಳ್ಜಾಂತ್
ವರ್ತೊ ಸಂತೊಸ್ ತಾಚ್ಯಾಕಿ ಪ್ರಾಸ್, ಭೊಗ್ಚೊ ತುಕಾ ಸಾಸ್ಣಾಂತ್

ತುಜ್ಯಾ ಪವಿತ್ರ್ ನಾಂವಾ ಪರಿಂ, ನಾಂ ಸಬ್ದ್ ನಾ ಏಕ್ ಗಾಯನ್
ಚಿಂತ್ನಾಂ ಆನಿ ಸಬ್ದಾಂ ವೆರಿ, ತಾಚಿ, ಸಾಯ್ಬಾ, ಗೊಡ್ಸಾಣ್

ಭರ್ವಸೊ ಪಾಪ್ ರಡ್ತಲ್ಯಾಂಚೊ, ಕುರ್ಪೆಚೆಂ ಮೂಳ್ ಸ್ವಾಧಿಕ್
ಸರ್ವ್ ಭುಜ್ವಣ್ದಾರ್ ಪರ್ದೆಶಾಂಚೊ, ರೂಪ್ ರೂಪ್ ಕಿತ್ಲೊ ಅಧಿಕ್

ಜೆಜುಚೆಂ ನಾಂವ್ ಘಾಲ್ತಾಂ ಮನಿಂ, ಜಿವಿತ್ ಆನಿ ಪ್ರಕಾಸ್
ಮಾಗ್ಣ್ಯಾ ವರ್ತಿಂ ತುಜಿಂ ದೆಣಿಂ, ಭೊಗುನ್ ಪಾವ್ತಾಂ ಉಲ್ಲಾಸ್

ಜಿಬೆ ಕರ್ನೆನ್ ವರ್ಣುಂ ನಜೊ, ಸಂತೊಸ್ ಮೊಗಾಂತುಲೊ
ಸಾಂತ್ ಭಕ್ತಾಂಕ್ ಮಾತ್ರ್ ಕಳ್ತಾ ತುಜೊ, ಮೋಗ್ ಮ್ಹಣುನ್ ಕಸಲೊ

ಏ ಧನ್ಯಾ ಘೆಂ ಹೆಂ ಕಾಳಿಜ್ ತುಂ, ಆಂಧ್ಕಾರ್ ತಾಂತ್ಲೊ ಧಾಂವ್ಡಾಯ್
ತೊಪುನ್ ದಿಪ್ತಿ ಭಾಲ್ಯಾನ್, ತಾಂತುಂ, ಉಜ್ವಾಡ್ ತುಜೊ ಫಾಂಕಯ್