ಜೆಜುನ್ ಆಮ್ಚೆ ಪಾಸುನ್ ಆಪ್ಲೊ ಜೀವ್ ದಿಲಾ
ರಗತ್ ಆಪ್ಲೆಂ ವಿಕ್ರಾವ್ನ್ ಮೋಗ್ ಮ್ಹಜೊ ಕೆಲಾ

ತಾಚ್ಯಾ’ಮೊಲಿಕ್ ರಗ್ತಾನ್ ದಿಲಾಂ ಭೊಗ್ಸಣೆಂ
ತಾಚ್ಯಾ ಜಿಣಿಯೆ ಮೊರ್ನಾನ್ ಸರ್ಗಿಂಚೆಂ ಜಿಣೆಂ

ಏಕ್‍ಚ್ ಏಕ್ ಥೆಂಬೊ ತುಜ್ಯಾ ರಗ್ತಾಚೊ
ಹಜಾರ್ ಪ್ರಥ್ವಿಂಕ್ ಸೊಡ್ವೊಣ್ ದಿಂವ್ಚ್ಯಾಕ್ ತೊ ಪುರೊ

ಕಿತ್ಯಾಕ್ ತರ್ ವಿಕ್ರಾಯ್ಲೆಂಯ್, ಸರ್ವ್ ರಗತ್ ತುಜೆಂ?
ಕಿತ್ಯಾಕ್, ಸೊಮ್ಯಾ ಕೆಲೆಂಯ್ ಸಾಂಗ್ ಮ್ಹಾಕಾ ಅಶೆಂ

ಕಾಲ್ವಾರಿಚ್ಯಾ ದೊಂಗ್ರಾರ್ ಸೊಮಿ ಉಮ್ಕಳ್ತಾ
ಮ್ಹಜೊ ದೇವ್ ಸೊಡ್ವೊಣ್ದಾರ್ ಜೀವ್ ಆಪ್ಲೊ ದಿತಾ

ಕಸೊ ಉಪ್ಕಾರ್ ತುಜೊ ಹಾಂವೆ ಬಾವುಡ್ಚೊ
ಮೋಗ್ ಕೆಲೊಯ್‍ಮು ಮ್ಹಜೊ, ಮ್ಹಜೊ ಪಾಪಿಯಾಚೊ