1. ಜೆಜುನ್ ಆಪ್ಲ್ಯಾ ಶಿಸಾಂಚೊ ಮೋಗ್ ಕೆಲೊ ಆಕೇರ್ ಪರ್ಯಾಂತ್
ಮೆಜಾರ್ ಥಾವ್ನ್ ಉಟುನ್ ಘೆತ್ಲೊ ತುವಾಲೊ ಆಪ್ಲ್ಯಾ ಹಾತಾಂತ್
ಕಮ್ರಾಕ್ ತಾಣೆಂ ಬಾಂಧಿಲೊ, ವೊತ್ಲೆಂ ಉದಕ್ ಆಯ್ದನಾಂತ್
ಧುಂವ್ಕ್ ಲಾಗ್ಲೊ ಪಾಂಯ್ ಶಿಸಾಂಚೆ ಆಪ್ಲ್ಯಾಚ್ ಹಾತಾನ್

ಜಾಣಾ ಜಾಯಾತ್ ತುಮಿ ಭಾವಾಂನೊ ಮ್ಹಜ್ಯಾ
ಹಾಂವೆಂ ಕಿತೆಂ ಕೆಲೆಂ ಮ್ಹಣುನ್ ತುಮ್ಕಾಂ
ಹಾಂವ್ ಆಶೆತಾಂ ಮೋಗ್ ಕರ್ಚ್ಯಾಕ್ ಸರ್ವ್ ತುಮಿ
ಜಸೊ ಹಾಂವೆ ತುಮ್ಚೊ ಮೋಗ್ ಕೆಲ್ಲ್ಯಾ ಪರಿಂ

2. ಮೋಗ್ ಕೆಲೊ ಆಕೇರ್ ಪರ್ಯಾಂತ್ ಜೆಜುನ್ ಆಪ್ಲ್ಯಾ ಶಿಸಾಂಚೊ
ಪೆದ್ರು ಸರ್ಶಿನ್ ಆಯಿಲ್ಲೊಚ್, ಪೆದ್ರು ಆಂಗ್ ಕಾಡ್ನ್ ಮ್ಹಣಾಲೊ:
‘ಪಾಂಯ್ ಧುಂವ್ಕ್ ಕೆದಿಂಚ್ ಸೊಡ್ಚೊನಾಂ’, ಸೊಮಿ ಜಾಪ್ ದಿವ್ನ್ ಮ್ಹಣಾಲೊ:
‘ಕಳಿತ್ ನಾ ತುಕಾ ಅರ್ಥ್ ಹ್ಯಾ ಮಿಸ್ತೆರಾಚೊ’

3. ಆಕೇರ್ ಪರ್ಯಾಂತ್ ಮೋಗ್ ಕೆಲೊ ಜೆಜುನ್ ಆಪ್ಲ್ಯಾ ಶಿಸಾಂಚೊ
ಪೆದ್ರುಕ್ ಸಾಂಗಿಲಾಗ್ಲೊ ‘ಪಾಂಯ್ ಧುಂವ್ಚ್ಯಾಕ್ ತುಂ ಸೊಡ್ ಮ್ಹಾಕಾ’
ನಾ ತರ್ ಆಸ್ಚೊನಾ ವಾಂಟೊ ಮ್ಹಜೆ ಸಂಗಿಂ ಕಾಂಯ್ ತುಕಾ
ಪೆದ್ರುನ್ ಸಾಂಗ್ಲೆಂ: ‘ಧುಂ ಸೊಮ್ಯಾ ಸಗ್ಳೊಚ್ ಮ್ಹಾಕಾ’

4. ಆಕೇರ್ ಪರ್ಯಾಂತ್ ಮೋಗ್ ಕೆಲೊ ಜೆಜುನ್ ಶಿಸಾಂಚೊ ಆಪ್ಲ್ಯಾ
ತಾಚೆ ಪರಿಂ ಕರುಂಚ್ಯಾಕ್ ದೇಕ್ ತಾಣೆಂ ಆಮ್ಕಾಂ ದಿಲ್ಯಾ
ಜಾಯ್ಸೊನಾ ಚಾಕರ್ ವರ್ತೊ ಕೆದಿಂಚ್ ದನ್ಯಾ ಪ್ರಾಸ್ ಆಪ್ಲ್ಯಾ
ಕ್ರಿಸ್ತ್ ಆಮ್ಚ್ಯಾ ಮೆಸ್ತ್ರಿಚಿ ದೇಕ್ ಆಮಿ ಘೆವ್ಯಾಂ