ಜಿವಿತಾ ಕುಂವರಾ ಕುರ್ಪೆ ಸಾಗರಾ, ವಂದನ್ ಏ ಕ್ರಿಸ್ತಾ
ಸ್ವಾಗತ್ ಸ್ವಾಗತ್ ಸರ್ಗೀ ರಾಯಾ, ದುರ್ಬಳ್ಯಾ ಕಾಳ್ಜಾಂತ್ ಮ್ಹಜ್ಯಾ

1. ಜಿವೊ ಉಂಡೊ ತುಂ, ಜಿವಿತ್ ದಿತಾಯ್
ಪಾತ್ಕಾಂಚ್ಯಾ ಪಾಸಾಂತ್ಲೊ ಮ್ಹಾಕಾ ಫಾಂಕ್ತಾಯ್
ಪ್ರಕಾಶಿತ್ ಸುರ್ಯೊ ತುಂ, ಉಜ್ವಾಡ್ ಫಾಂಕ್ತಾಯ್
ಜಿವಿತ್ ಮ್ಹಜೆಂ ನಂದನ್ ಕರ್ತಾಯ್

2. ಬರೊ ಗೊವ್ಳಿ ತುಂ, ಶೆಳಿಯಾಂಕ್ ರಾಕ್ತಾಯ್
ಪಚ್ವ್ಯಾ ಚರೊವಾಕ್ ವ್ಹರುನ್ ಪಾಯ್ತಾಯ್
ಜಿವಿತಾ ಝರ್ ತುಂ, ತಾನ್ ಭಾಗಯ್ತಾಯ್
ಸರ್ಗಿಂಚ್ಯಾ ಸುಖಾಕ್ ವ್ಹರುನ್ ಪಾಯ್ತಾಯ್

3. ಲಾಭಯ್ ಸೊಮ್ಯಾ ಆಜ್ ತುಜಿ ಕೃಪಾ
ಕರ್ಚ್ಯಾಕ್ ಸದಾಂ ಆಮಿ ತುಜಿ ಸೆವಾ
ಬಿಡಾರ್ ಕರ್ ಕಾಳ್ಜಾಂತ್ ಹ್ಯಾ, ಹರೇಕ್ ದಿಸಾ
ಹಾತ್ ಧರ್ನ್ ಸಾಂಬಾಳ್ ಏ ಸರ್ಗಿ ರಾಯಾ