ಗುಪಿತ್ ಮ್ಹಜ್ಯಾ ದೆವಾ, ತುಕಾ ನಮಸ್ಕಾರ್
ಉಂಡ್ಯಾ ರುಪಾರ್ ತುಂ ನೀಜ್ ಆಸಾಯ್ ಆಲ್ತಾರಾರ್
ಕಾಳಿಜ್ ಮ್ಹಜೆಂ ಸಗ್ಳೆಂಚ್ ತುಕಾ ಖಾಲ್ ಜಾತಾ
ಕಿತ್ಯಾಕ್ ನಿಯಾಳ್ನ್ ತುಕಾ ಸಗ್ಳೆಂಚ್ ಸಲ್ವತಾ
ದೆಕುನ್, ಆಪಡ್ನ್, ಚಾಕುನ್ ಪಾರ್ಕುಂಕ್ಚ್ ನಜೊ
ಏಕ್ಚ್ ಉತ್ರಾರ್ ತುಜ್ಯಾ ಭಾವಾರ್ಥ್ ಥಿರ್ ಮ್ಹಜೊ
ದೇವ್ಪೂತ್ರ್ ಸಾಂಗ್ತಾ ತೆಂ ಸರ್ವ್ ಭಕ್ತಿನ್ ಸತ್ಮಾನ್ತಾಂ
ಹೆಂ ಸತಾಚೆಂ ಉತರ್ ಸತ್ಚ್ ಮ್ಹಣ್ ಮಾನ್ತಾಂ
ಖುರ್ಸಾರ್ ಲಿಪೊನ್ ಆಸ್ಲೆಂ ಏಕ್ಚ್ ಎಂ ದೇವ್ಪಣ್
ಹಾಂಗಾಂ ಲಿಪಯ್ತಾಯ್ ತೆಂಚ್ ತುಜೆಂ ಮನ್ಶಾಪಣ್
ಪುಣ್ ಹಾಂವ್ ದೋನ್ಯಿ ಸತಾಂ ಪಾತ್ಯೆವ್ನ್ ಉಚಾರ್ತಾಂ
ಆನಿ ದುಖೆಸ್ತ್ ಚೊರಾನ್ ಮಾಗ್ಲ್ಲೆಂಚ್ ಮಾಗ್ತಾಂ
ಸಾಂ ತೊಮಾಸಾ ಪರಿಂ, ಘಾಯ್ ನಾ ಪಳೆತಾಂ
ತರಿ ತುಕಾ ಮ್ಹಜೊ ದೇವ್ ಮ್ಹಣ್ ಉಚಾರ್ತಾಂ
ತಾಂಕ್ ದಿ ಮ್ಹಾಕಾ, ಸದಾಂಚ್ ತುಕಾ ಚಡ್ ಪಾತ್ಯೆಂವ್ಕ್
ತುಜೆರ್ ಆಶಾ ದವ್ರುಂಕ್, ತುಜೊ ಮೋಗ್ ಕರುಂಕ್