ಕುಪಾಂತ್ ದೆಂವುನ್ ಆಯ್ಲಿಯ್ ಮಾಯೆ, ಪ್ರಸನ್ನ್ ಜಾಲಿಯ್ ರುಕಾರಿ
ಭುರ್ಗಿಂ ತೆಗಾಂ ತೆರ್ಸಾರ್ ಆಸ್ತಾಂ, ರಾವ್ಲಿಯ್ ತಾಂಚೆ ಮುಕಾರಿ

ನಮಾನ್, ನಮಾನ್, ನಮಾನ್ ದೆವಾಚೆ ಮಾಯೆ
ನಮಾನ್, ನಮಾನ್, ನಮಾನ್ ಸರ್ಗಿಂಚೆ ರಾಣಿಯೆ

ಲಿಪಯ್ ಮಾಯೆ ಮಾಂತಾ ಭಿತರ್, ಭುಗ್ರ್ಯಾಂಕ್ ತುಜ್ಯಾ ಮೊಗಾಚ್ಯಾ
ತಾಳ್ನ್ಯೊ ವಿಘ್ನಾಂ, ಅಪಾಯ್ ಪಯ್ಸ್ ಕರ್, ಧಾಂವ್ಡಾಯ್ ವೈರಿಂಕ್ ಅತ್ಮ್ಯಾಂಚ್ಯಾ

ಕೊಂತಾ ಮಣಿ ಘೆವುನ್ ಹಾತಿಂ, ಮಾಗ್ತಾಂವ್ ಮಾಯೆ ರೊಜಾರಿ
ಸಂಸಾರಾಚೆರ್ ಪಾಟಯ್ ಶಾಂತಿ ಬೆಸಾಂವ್ ಆಮ್ಚ್ಯಾ ಗಾಂವಾರಿ