ದಯೆನ್ ಆಮ್ಚಿ ಸೊಡ್ವಣ್ ಕರ್, ಸರ್ವೆಸ್ಪರ್ ದೆವಾ
ಕಾಕುಳ್ತ್ ತುಜಿ ಆಮ್ಕಾಂ ದಾಕಯ್, ಸರ್ವೆಸ್ಪರ್ ದೆವಾ

1. ಸರ್ವೆಸ್ಪರ್ ದೇವ್ ಕಿತೆಂ ಸಾಂಗ್ತಾ ತೆಂ ಹಾಂವ್ ಆಂiÀi್ಕತಾಂ
ಆಪ್ಲ್ಯಾ ಭಕ್ತಾಂಕ್ ಕಿತೆಂ ಸಾಂಗ್ತಾ ತೆಂ ಹಾಂವ್ ಆಯ್ಕತಾಂ
ತಾಚಿ ಭಿರಾಂತ್ ಆಸ್ಲಲ್ಯಾಂಕ್ ತೊ ಸರ್ವ್ ಕುಮಕ್ ದಿತಾ
ಅಶೆಂ ತಾಚಿ ಮಹಿಮಾ ಆಮ್ಚ್ಯಾ ಗಾಂವಾಂತ್ ಪರ್ಜಳ್ತಾ

2. ಎಕಾಮೆಕಾಕ್ ಭೆಟ್ತಲಿಂ ವಿಶ್ವಾಸೀಪಣ್ ಪ್ರೀತಿ
ಎಕಾಮೆಕಾಕ್ ವೆಂಗ್ ಮಾರ್ತಲಿಂ ನೀತ್ ಆನಿ ಶಾಂತಿ
ಭುಮಿರ್ ಥಾವುನ್ ವಿಶ್ವಾಸೀಪಣ್ ಉಬ್ಜೊನ್ ಯೆತಲೆಂ
ನಿತಿವಂತ್ಪಣ್ ಸರ್ಗಾರ್ ಥಾವುನ್ ನದರ್ ಘಾಲ್ತಲೆಂ

3. ಲಾಭಯ್ತಲೊ ಸರ್ವೆಸ್ಪರ್ ದೇವ್ ಆಮ್ಕಾಂ ಸುಖ್ ಸಮೃದ್ಧಿ
ಭುಮಿ ಆಮ್ಚಿ ಫಳ್‍ಪೀಕ್ ಆಪ್ಲೆಂ ಧಾರಾಳ್ ದಿತಲಿ
ನಿತಿವಂತ್ಪಣ್ ಸದಾಂ ತಾಚ್ಯಾ ಫುಡ್ಲ್ಯಾನ್ ವೆತಲೆಂ
ಅಶೆಂ ವಚುನ್ ಸೊಮ್ಯಾಚಿ ವಾಟ್ ತಯಾರ್ ಕರ್ತಲೆಂ