ಜಶೆಂ ಮೆರುಂ ನಿತಳ್ ಝರಿಕ್ ತಾನೆತಾ
ತಶೆಂ ಮ್ಹಜೊ ಅತ್ಮೊ ದೆವಾಕ್ ಲಾಲೆತಾ

1. ಅತ್ಮೊ ಮ್ಹಜೊ ಜಿವಂತ್ ದೆವಾಕ್ ತಾನೆತಾ
ತಾಚೆ ಸದ್ರೆ ಮುಕಾರ್ ರಾವುಂಕ್ ಆಶೆತಾ
ಉದಕ್ ನಾಸ್ಲಲೆ ಸುಕೆ ಧರ್ನಿ ಪರಿಂ
ಮ್ಹಜಿ ಕೂಡ್ ದೆವಾ ತುಕಾ ಅತ್ರೆಗ್ತಾ

2. ತುಜೆರ್ ದೆವಾ ಹಾಂವ್ ಮ್ಹಜಿ ದಿಷ್ಟ್ ಉಬಾರ್ತಾಂ
ತುಜಿ ಪದ್ವಿ ಆನಿ ಮಹಿಮಾ ವಾಖಾಣ್ತಾಂ
ತುಜ್ಯಾ ಮೊಗಾಚೊ ಸ್ವಾದಿಕ್ ಅನ್ಭೋಗ್ ಚಾಕ್ತಾಂ
ತುಜ್ಯಾ ಪಾಕಾಟ್ಯಾಂಚೆ ಸಾವ್ಳೆಂತ್ ಹಾಂವ್ ಸಂತೊಸ್ತಾಂ

3. ಪ್ರಥ್ವೆ ಸಂಗಿಂ ಸೊಮ್ಯಾ ತುಜಿ ಸ್ತುತಿ ಗಾಯ್ತಾಂ
ವಿಚಿತ್ರ್ ತುಜಿಂ ವರ್ತಿಂ ಕೃತ್ಯಾಂ ಹಾಂವ್ ನಿಯಾಳ್ತಾಂ
ಮ್ಹಜ್ಯಾ ಆಕಾಂತಾಂತ್ ತುಕಾ ಉಲೊ ಮಾರ್ತಾಂ
ಜೀವ್ ಮ್ಹಜೊ ರಾಕ್ ಮ್ಹಣೊನ್ ಪರಾತ್ತಾಂ