(i) ಜಶೆಂ ನಿತಳ್ ಉದ್ಕಾ ಝರಿಕ್ ಏಕ್ ಮೆರುಂ ಅತ್ರೆಗ್ತಾ,
ಜಶೆಂ ಅತ್ಮೊ ಮ್ಹಜೊ ತುಕಾ ಲಾಲೆತಾ, ಏ ದೆವಾ.

(ii) ಜಶೆಂ ನಿತಳ್ ಉದ್ಕಾ ಝರಿಕ್ ಏಕ್ ತಾನೆಸ್ತ್ ಮೆರುಂ ಅತ್ರೆಗ್ತಾ
ತಶೆಂ ಅತ್ಮೊ ಮ್ಹಜೊ ತುಕಾ ಲಾಲೆವ್ನ್ ರಾಕ್ತಾ ಏ ದೆವಾ

(iii) ಮ್ಹಜೊ ಅತ್ಮೊ ಸೊಮಿಯಾಕ್ ತಾನೆತಾ,
ಹಾಂವ್ ರೂಪ್ ರೂಪ್ ಕಂಯ್ ತಾಕಾ ಪಳೆನ್?

1. ಜಶೆಂ ನಿತಳ್ ಉದ್ಕಾ ಝರಿಕ್ ಏಕ್ ಮೆರುಂ ಅತ್ರೆಗ್ತಾ,
ತಶೆಂ ಅತ್ಮೊ ಮ್ಹಜೊ ತುಕಾ ಲಾಲೆತಾ, ಏ ದೆವಾ.

2. ಅತ್ಮೊ ಮ್ಹಜೊ ಭೋವ್ ತಾನೆಲಾ ತುಕಾ, ಮ್ಹಜ್ಯಾ ಜಿವಾ;
ಕೆದ್ನಾಂ ತುಜೆ ಮುಕಾರ್ ಪಡನ್ ಪಳೆನ್ ತುಕಾ, ದೆವಾ?

3. ದುಖಾಂ ಮ್ಹಜಿಂ ಖಾಣ್ ಜಾಂವ್ಕ್ ಪಾವ್ಲ್ಯಾಂತ್, ಸಗ್ಳೊ ದೀಸ್ ಆನಿ ರಾತ್,
‘ಖಂಯ್ ಆಸಾ ದೇವ್ ತುಜೊ’ ಮ್ಹಣುನ್ ದುಸ್ಮಾನ್ ಕೆಂಡುನ್ ಹಾಸ್ತಾತ್

4. ಕಿತ್ಯಾಕ್ ಅತ್ಮ್ಯಾ ಖಂತಿಷ್ಟ್ ಜಾಲಾಯ್? ಸುಸ್ಕಾರ್ಚೆಂ ಸೊಡ್ ಆತಾಂ;
ಭರ್ವಸ್ ತಾಚೆರ್, ತೊಚ್ ತುಕಾ ಸಾಂಬಾಳ್ತಲೊ ಸದಾಂ.

5. ದಿಸಾಚೆಂ ತೊ ಮ್ಹಾಕಾ ಮೊಗಾನ್ ದಯೆನ್ ಚಲೊವ್ನ್ ವ್ಹರ್ತಾ.
ರಾತ್ಚೆ ವೆಳಿಂ, ಹಾಂವ್ ಕೀರ್ತನಾನ್ ಭಜನ್ ತಾಚೆಂ ಕರ್ತಾಂ.

6. ಆನಂದ್ ಬಾಪಾಕ್, ಆನಂದ್ ಪುತಾಕ್, ಆನಂದ್ ಪವಿತ್ರ್ ಅತ್ಮ್ಯಾಕ್;
ತೆಗಾಂ ಜಣಾಂಕ್, ಎಕಾ ದೆವಾಕ್, ಜಾಂವ್ ಸಾಸ್ಣಾಚ್ಯಾ ಸಾಸ್ಣಾಕ್.