(i) ಸೊಮ್ಯಾ ಹಾಂವ್ ದವರ್ತಾಂ ವಿಶ್ವಾಸ್ ತುಜೆರ್
ದೆಂವೊಂದಿ ಸರ್ಗಿಂ ಥಾವ್ನ್ ದಯಾ ಮ್ಹಜೆರ್
(ii) ಸರ್ವೆಸ್ಪರಾನ್ ಆಪ್ಲೆಂ ದಾಯ್ಜ್ ಕರುನ್ ಘೆತ್ಲಾ ತೊ ಲೋಕ್ ಭಾಗಿ

1. ನಿತಿವಂತಾನೊ ಸರ್ವ್, ಗಿತಾಂ ಗಾಯಾ
ಪ್ರಿತಿವಂತ್ ರಚ್ನಾರಾಕ್ ಸ್ತುತಿ ಕರಾ
ವಿಣ್ಯಾಚೆರ್ ಕಿನ್ನರೆರ್ ಸಂಗೀತ್ ಕರಾ
ವಾಖಾಣುನ್ ಸೊಮ್ಯಾಕ್ ಆಜ್ ಉಲ್ಲಾಸ್ ಪಾವಾ

2. ಸೊಮ್ಯಾಚೆಂ ಉತರ್ ತೆಂ ಖರೆಂಚ್ ಬಾಳ್ತಾ
ಕೃತ್ಯಾಂನಿ ಸರ್ವ್ ತಾಚ್ಯಾ ವಿಶ್ವಾಸ್ ದಿಸ್ತಾ
ನ್ಯಾಯ್ ನೀತ್ ತಿ ಸರ್ವೆಸ್ಪರ್ ಮೊಗಾನ್ ದೆಕ್ತಾ
ತಾಚೆ ತೆ ಜತ್ನೆನ್ ಹೊ ಸಂಸಾರ್ ಚಲ್ತಾ

3. ಸರ್ವೆಸ್ಪರ್ ಮೊಗಾಳ್ ತೊ ಆಮ್ಕಾಂ ದೆಕ್ತಾ
ವಿಶ್ವಾಸಿ ಭುಗ್ರ್ಯಾಂಚಿ ಜತನ್ ಘೆತಾ
ಭಿರಾಂಕುಳ್ ಮೊರ್ನಾ ಥಾವ್ನ್ ಆಮ್ಕಾಂ ರಾಕ್ತಾ
ದುಕಳಾಂತ್ ತೊ ಆಮ್ಚೊ ಜೀವ್ ವಾಂಚಯ್ತಾ