ತುಕಾ ಹಾಂವ್ ವಾಖಾಣ್ತಾಂ, ಸರ್ವೆಸ್ಪರ್ ದೆವಾ
ತುವೆಂ ಮ್ಹಾಕಾ ನಿವಾರ್ಲೊಯ್ ವಾಯ್ಟಾಚ್ಯಾ ವೆಳಾ

1. ತುಕಾ ಹಾಂವ್ ವಾಖಾಣ್ತಾಂ ಸರ್ವೆಸ್ಪರ್ ದೆವಾ
ಉಲೊ ಮ್ಹಜೊ ಆಯ್ಕಲೊಯ್ ವಯ್ರ್ ಕಾಡ್ಲೊಯ್ ಮ್ಹಾಕಾ
ಪಾತಾಳಾಂತ್ಲೊ ಅತ್ಮೊ ಮ್ಹಜೊ ತುವೆಂ ವಾಟಾಯ್ಲೊಯ್
ಫೊಂಡಾಕ್ ವಚುಂಕ್ ಸೊಡ್ಲೊನಾಯ್, ಮ್ಹಾಕಾ ವಾಂಚಯ್ಲೊಯ್

2. ದೆವಾಚ್ಯಾ ಭಕ್ತಾಂನೊ, ತಾಚಿ ಕೀರ್ತ್ ಗಾಯಾ
ವರ್ತೆಂ ತಾಚೆಂ ಪವಿತ್ರ್ ನಾಂವ್ ಹರ್ಸುನ್ ನಾಂವಾಡಾ
ತಾಚಿ ದಯಾ ಬಾಳ್ವತಾ, ಸದಾಂನಿತ್ ಉರ್ತಾ
ಕಾಳಿಜ್ ಮ್ಹಜೆಂ ಉಲ್ಲಾಸ್ತಾ, ಸಂತೊಸಾನ್ ಭರ್ತಾ

3. ಸರ್ವೆಸ್ಪರಾ ಮ್ಹಾಕಾ ಆಯ್ಕ್, ಕಾಕ್ಳುತ್ ಮ್ಹಜಿ ಕರ್
ದಯೆನ್ ಮ್ಹಜೆ ಕುಮ್ಕೆಕ್ ಯೆ, ವೆಂಗೆಂತ್ ಮ್ಹಾಕಾ ಧರ್
ಕರ್ತಾಂ ತುಕಾ ಆರಾಧನ್ ಹರೆಕಾ ದಿಸಾ
ಅರ್ಗಾಂ ತುಕಾ ದಿತಾಂ ಹಾಂವ್ ಸದಾಂ ಸರ್ವದಾಂ