ತುಜೊ ಸೊಲ್ಲೊ ಪಾಳ್ತಲ್ಯಾಂಕ್, ಸರ್ವೆಸ್ಪರ್ ದೆವಾ,
ಜಾಲ್ಯಾತ್ ತುಜ್ಯೊ ವಾಟೊ ಭೋವ್ ಮೊಗಾಚ್ಯೊ

1. ತುಜ್ಯೊ ವಾಟೊ ಒಳ್ಕುಂಕ್ ದಿ ಮೊಗಾಳಾ ದೆವಾ
ತುಜೆ ಮಾರಗ್ ದಾಕೊವ್ನ್ ದಿ ದಯಾಳಾ ಬಾಪಾ
ಸತಾ ವಾಟೆನ್ ಚಲವ್ನ್ ವ್ಹರ್ ಶಿಕಯ್ ತುಂ ಮ್ಹಾಕಾ
ಜಿಣಿಯೆಂತ್ ಮ್ಹಜೆ ತಾರೊಕ್ ಜಾವ್ನ್ ಸಾಂಬಾಳ್ನ್ ಧರ್ ಮ್ಹಾಕಾ

2. ಸರ್ವೆಸ್ಪರಾ, ಉಗ್ಡಾಸ್ ಕರ್ ತುಜೆಂ ಉದಾರ್ಪಣ್
ವಿಸರ್ನಾಕಾ ತುಜೊ ಮೋಗ್ ತುಜಿ ದಯಾಳಾಯ್
ಹಾಂವೆಂ ಕೆಲ್ಲಿಂ ಪಾತ್ಕಾಂ ಸರ್ವ್ ದಯೆನ್ ತುಂ ಭೊಗಸ್
ತುಜ್ಯಾ ಮೊಗಾಕ್ ಸರಿ ಜಾವ್ನ್ ಉಗ್ಡಾಸ್ ಮ್ಹಜೊ ಕರ್

3. ಸರ್ವೆಸ್ಪರ್ ನೀಜ್ ಜಾವ್ನ್ ಬರೊ, ಉತರ್ ತೊ ಪಾಳ್ತಾ
ತಾಚೆ ಥಾವ್ನ್ ಪಯ್ಸ್ ಪಾವ್ಲಲ್ಯಾಂಕ್ ಪಾಟಿಂ ಆಪಯ್ತಾ
ಖಾಲ್ತ್ಯಾಂಕ್ ಸತಾಚ್ಯಾ ಮಾರ್ಗಾನ್ ಚಲೊವ್ನ್ ತೊ ವ್ಹರ್ತಾ
ಆಪ್ಲ್ಯೊ ವಾಟೊ ದುರ್ಬಳ್ಯಾಂಕ್ ದಾಕಾವ್ನ್ ತೊ ದಿತಾ.