ಸರ್ವೆಸ್ಪರಾ ದೆವಾ, ತುಕಾ ಹಾಂವ್ ಧಿನ್ವಾಸ್ತಾಂ
ವಿಚಿತ್ರ್ ತುಜಿಂ ರಚ್ನಾಂ, ಅದ್ಭುತ್ ತುಜಿಂ ಕೃತ್ಯಾಂ

1. ಸರ್ವೆಸ್ಪರಾ, ತುವೆಂ ಮ್ಹಜಿ ತಪಾಸ್ಣಿ ಕೆಲ್ಯಾಯ್
ಮ್ಹಾಕಾ ಒಳ್ಕತಾಯ್, ದಯೆನ್ ತುಂ ರಾಕ್ತಾಯ್
ಕೆದ್ನಾಂ ಉಠ್ತಾಂ, ಕೆದ್ನಾಂ ಬಸ್ತಾಂ, ಸಗ್ಳೆಂ ತುಂ ಜಾಣಾಯ್
ಮ್ಹಜಿ ಸರ್ವ್ ಚಿಂತ್ನಾಂ ಸೊಮ್ಯಾ ತುಂ ಪಾರ್ಕಿತಾಯ್

2. ಚಲುಂ ಹಾಂವ್ ವಾ ನಿದೊನ್ ಆಸುಂ, ತುಕಾ ತೆಂ ಕಳ್ತಾ
ಹಾಂವೆಂ ಕೆಲ್ಲೆಂ ಸಗ್ಳೆಂ ತುಕಾ ದಿಸ್ತಾ
ಆವಯ್ಚ್ಯಾ ಗರ್ಭಾಂತ್ ಮ್ಹಾಕಾ ವಿಣ್ಲಲೊ ತುವೆಂಚ್
ತುಕಾ ಧಿನ್ವಾಸ್ತಾಂ ಸೊಮ್ಯಾ ಅರ್ಗಾಂ ಭೆಟಯ್ತಾಂ

3. ವರ್ತೆ ಜತ್ನೆನ್ ಹಿ ಮ್ಹಜಿ ಕೂಡ್ ತುವೆಂಚ್ ರಚ್‍ಲ್ಲಿ
ಮನ್ಶಾಚೆಂ ತೆಂ ರೂಪ್ ದಿವ್ನ್ ತುವೆಂಚ್ ಘಡ್‍ಲ್ಲಿ
ಕೃತ್ಯಾಂ ತುಜಿಂ ಖರಿಂಚ್ ವಿಚಿತ್ರ್, ಸಗ್ಳಿಂ ತಿಂ ಜಾಣಾಯ್
ಮ್ಹಜೆ ವಿಶ್ಯಾಂತ್ ಸಗ್ಳೆಂಚ್ ತುವೆಂ ಬರೊವ್ನ್ ದವರ್ಲಾಂಯ್