ಧಾಡ್ ತುಜ್ಯಾ ಅತ್ಮ್ಯಾಕ್ ಸರ್ವೆಸ್ಪರಾ
ಪೃಥ್ವಿಚೆಂ ರೂಪ್ ನವೆಂ ಕರ್, ಸರ್ವೆಸ್ಪರಾ

1. ಅತ್ಮ್ಯಾ ಮ್ಹಜ್ಯಾ ನಾಂವಾಡ್ ಸರ್ವೆಸ್ಪರಾಕ್
ಕಿತ್ಲೊ ವರ್ತೊ ದೇವ್ ತುಂ ಸರ್ವೆಸ್ಪರಾ
ಮಹಿಮೆನ್ ಆನಿ ವೈಭವಾನ್ ತುಂ ಭರ್ಲಾಂಯ್
ಪ್ರಕಾಸ್ಭರಿತ್ ಉಜ್ವಾಡಾನ್ ತುಂ ನ್ಹೆಸ್ಲಾಯ್

2. ಫಾಲ್ಕ್ಯಾಂನಿ ತುಂ ಝರಿ ಫುಟೊಂಕ್ ಕರ್ತಾಯ್
ಗುಡ್ಯಾ ದೊಂಗ್ರಾಂ ಮಧ್ಲ್ಯಾನ್ ತ್ಯೊ ವ್ಹಾಳಯ್ತಾಯ್
ತುಜ್ಯಾ ನಿವಾಸಾ ಥಾವ್ನ್ ಪಾವ್ಸ್ ತುಂ ವೊತ್ತಾಯ್
ಗೊರ್ವಾಂಕ್ ಮನ್ಶಾಂಕ್ ಧಾರಾಳ್ ಖಾಣ್ ದಿವ್ನ್ ಪೊಸ್ತಾಯ್

3. ವಿವಿಧ್ ತುಜಿಂ ಕೃತ್ಯಾಂ ಕಿತ್ಲಿಂ ವಿಚಿತ್ರ್
ಕೃತ್ಯಾಂ ಪಾಟ್ಲ್ಯಾನ್ ತುಜಿ ಜಾಣ್ವಾಯ್ ವಿಚಿತ್ರ್
ಪ್ರಥ್ವಿ ತುಜ್ಯಾ ರಚ್ನಾಂನಿ ಸರ್ವ್ ಭರ್ಲ್ಯಾ
ನಾಂವಾಡ್ ತುಜ್ಯಾ ಧನ್ಯಾಕ್ ಅತ್ಮ್ಯಾ ಮ್ಹಜ್ಯಾ

4. ವೆಳಾ ವೆಳಾರ್ ಪೋಶಣ್ ದಿತಾಯ್ ಮ್ಹಣೊನ್
ಸಗ್ಳಿಂ ಆಸಾತ್ ತುಜೆರ್ ದೊಳೆ ಲಾವುನ್
ತುಂ ದಿತಾಯ್ ತೆಂ ಸಗ್ಳಿಂ ಎಕ್ಟಾಂಯ್ ಕರ್ತಾತ್
ಪೋಟ್‍ಭರ್ ಖಾವುನ್ ತಿಂ ಧಾದೊಶಿ ಜಾತಾತ್

5. ಹಾತ್ ತುಂ ಸೊಡ್ಶಿ, ಸಗ್ಳಿಂ ಘಾಬರ್ನ್ ವೆತಾತ್
ಪ್ರಾಣ್ ತುಂ ಕಾಡ್ಶಿ, ಸಗ್ಳಿಂ ಮರೊನ್ ಪಡ್ತಾತ್
ಶ್ವಾಸ್ ತುಂ ದಿಶಿ, ಪರತ್ ರಚೊನ್ ಯೆತಾತ್
ಪ್ರಥ್ವಿಚೆಂ ರೂಪ್ ಸಗ್ಳೆಂ ನವೆಂ ಜಾತಾ.