ಕಾಳ್ಜಾ ಪವಿತ್ರ್ ಜೆಜುಚ್ಯಾ, ಸರ್ವ್ ಹೊಗ್ಳಾಪ್ ಫಾವೊ ತುಕಾ
ಠೆವ್ಯಾ ಸಮೆಸ್ತ್ ದೆಣ್ಯಾಂಚ್ಯಾ, ಸಮ್ದಿರಾ ತುಂ ಕುರ್ಪೆಚ್ಯಾ
ಸರ್ಗ್ ತುಜ್ಯಾ ಪಾಂಯಾಂ ಪಡ್ತಾ, ಸಂಸಾರ್ಯಿ ಪಡುಂ ಸಾಯ್ಬಾ
ಕಾಳ್ಜಾ ಜೆಜುಚ್ಯಾ ಕಾಳ್ಜಾ ಇಶ್ಟಾಚ್ಯಾ, ಕಾಳ್ಜಾ ಶೆವಟ್ ಪಾಸುನ್
ಮೋಗ್ ದಾಕಯ್ಲ್ಲ್ಯಾ, ಕಾಳ್ಜಾ ಧನ್ಯಾಚ್ಯಾ, ಕಾಳ್ಜಾ ರಾಯಾಚ್ಯಾ
ಮಾನ್ ಆನಿ ವ್ಹಡ್ವಿಕ್ ಸದಾಂಚ್ ತುಕಾ
ಕಾಳ್ಜಾ ಸದಾಂಚ್ ನಿರ್ಮಳಾ, ಸೊಸ್ಣಿಕಾಯೆನ್ ಭರ್ಲ್ಲ್ಯಾ
ಪಾತ್ಕಾಂ ಆಮ್ಚಿಂ ವಾವಯ್ಲ್ಲ್ಯಾ, ಅಕ್ಮಾನ್ ಬೆಮಾನ್ ಸೊಸ್ಲ್ಲ್ಯಾ
ದೂಖ್ ದಿವ್ನ್ ವಳ್ವಳಾಯ್ಲ್ಲ್ಯಾ, ಆನಿಕ್ ದುಖ್ ಪಾವನಾಕಾ
ಪವಿತ್ರ್ ಹೊಸ್ತುಂತ್ ತುಂ ಆಸಾಯ್, ಆಕ್ಮಾನ್ ಆಮ್ಚೆ ಸರ್ವ್ ಸೊಸ್ತಾಯ್
ಸದಾಂಚ್ ಆಮ್ಕಾಂ ಆಪಯ್ತಾಯ್, ಗುನ್ಯಾಂವ್ ಆಮ್ಚೆ ಭೊಗ್ಶಿತಾಯ್
ಆಮ್ಚ್ಯಾ ಕಾಳ್ಜಾಂತ್ ತುಂ ರಾಕ್ತಾಯ್, ತರ್ ಜಾಂವ್ ತುಕಾ ಧಾದೊಸ್ಕಾಯ್
ಕಾಳ್ಜಾ ಚಡ್ ಕಾಕುಳ್ದಾರಾ, ಸದಾಂಚ್ ತುಂ ಚಡ್ ಮೊಗಾಳಾ
ಪಾತ್ಕಾ’ಮ್ಚಿಂ ಭೊಗ್ಶಿತಲ್ಯಾ, ಗೊಪಾಂತ್ ಆಮ್ಕಾಂ ಘೆತಲ್ಯಾ
ಶಿಮ್ ಮೇರ್ ನಾಸ್ಲ್ಲ್ಯಾ ದರ್ಯಾ, ಸರ್ವ್ ತುಕಾ ಪಾತ್ಯೆಂವ್ ಸಾಯ್ಬಾ
ಕಾಳ್ಜಾ ಭಾಲ್ಯಾನ್ ಫಾಪ್ಸಲ್ಲ್ಯಾ ಆಮಿ ಭುಜಯ್ತಾಂವ್ ತುಕಾ
ವೊತಾಂತ್ ಸಾವ್ಳೆಚ್ಯಾ ಆಸ್ರ್ಯಾ, ಪಾವ್ಸ್ ರಿಗನಾಸ್ಲ್ಯಾ ಘರಾ
ಪಾತ್ಕ್ಯಾಂಚ್ಯಾ ತುಂ ಘೊಂಟೆರಾ, ತುಜೆಂ ನಾಂವ್ ಥೊರ್ ಜಾಂವ್ ಸಾಯ್ಬಾ