ಕಾಳ್ಜಾ ದಾರಾರ್ ಸೊಮ್ಯಾ ಮ್ಹಜ್ಯಾ ಆಯ್ಲಾಯ್
ದಾರ್ ಉಘಡುಂಕ್ ಧನ್ಯಾ ರಾಕುನ್ ರಾವ್ಲಾಯ್
ಯೆ ಸೊಮ್ಯಾ ತುಂ ಕಾಳ್ಜಾಂತ್ ಮ್ಹಜ್ಯಾ
ಭರ್ ತೆಂ ಪ್ರಕಾಸಾನ್ ಸರ್ಗಿಂಚ್ಯಾ

1. ಕಾಳ್ಜಾದಾರಾರ್ ತುಜ್ಯಾ ಹಾಂವ್ ಯೆವ್ನ್ ರಾವ್ತಾಂ, ಮೊಗಾನ್ ಉಲೊ ದಿತಾಂ
ಜರ್ ಮ್ಹಾಕಾ ಒಳ್ಕತಾಯ್, ದಾರ್ ಮೊಗಾನ್ ಉಘಡ್ತಾಯ್
ಕಾಳ್ಜಾಂತ್ ಯೆವ್ನ್ ರಾಜ್ ಹಾಂವ್ ಕರ್ತಾಂ

2. ಭಾಗಿ ತೊ ಚಾಕರ್ ಜೊ ಜಾಗ್ರುತ್ ಆಸ್ಚೊ, ಧನ್ಯಾಕ್ ರಾಕುನ್ ರಾಂವ್ಚೊ
ಹಾಂವ್ ತುಮ್ಕಾಂ ಸಾಂಗ್ತಾಂ ಸತ್, ಆಸ್ತಿಚೆಂ ಆಪ್ಲೆಂ ಸರ್ವ್
ಆಡಳ್ತೆಂ ತೊ ದಿತಲೊ

3. ಮಾಸ್ ತೆಂ ಖರೆಂ ಮ್ಹಜೆಂ ಖಾಣ್ ಅತ್ಮ್ಯಾಚೆಂ, ಮೊಗಾನ್ ಹಾಂವೆಂ ವಾಂಟ್ಚೆಂ
ರಗತ್ ಹೇ ಕಾಲ್ಸಿಂತ್ಲೆಂ, ತಾನ್ ಆಮ್ಚಿ ಭಾಗೊಂವ್ಚೆಂ,
ಸಾಸ್ಣಿಕ್ ಜಿವಿತ್ ದಿಂವ್ಚೆಂ

4. ಜಾವ್ನಾಸ್ಲೆಂ ಖಾಣ್ ಮ್ಹಜೆಂ ಕಾಮ್ ಸಂಪೊಂವ್ಚೆಂ, ತಾಚಿ ಖುಶಿ ಕರ್ಚೆಂ
ಖಾಣ್ ಹೆಂ ಸೆವ್ನ್ ಸರ್ಗಿಂಚೆಂ ಕರಾ ತುಮಿ ತಶೆಂಚ್
ಬಾಪಾಕ್ ಮಾನ್ವಾ ಸಾರ್ಕೆಂ

5. ರಾಕ್ತಾಂ ಹಾಂವ್ ಅತ್ರೆಗಾನ್ ಭೋವ್ ವ್ಹಡ್ ಮೊಗಾನ್
ಯೆ ತುಂ ಹ್ಯಾ ಬಿಡಾರಾಂತ್, ಸುಖ್ ಸಮಾಧಾನ್ ಸದಾಂಚ್
ರಾಜ್ ಕರುಂ ಹ್ಯಾ ಕಾಳ್ಜಾಂತ್, ಜಾಂವ್ ಆಮಿ ತುಜಿಂಚ್ ಸಾಸ್ಣಾಕ್