ಕಾಳಿಜ್ ಮ್ಹಜೆಂ ಲಾಲೆತಾ ತುಕಾ, ಮ್ಹಜ್ಯಾ ಮೊಗಾಳ್ ದೆವಾ
ನಾ ವಿಶೆವ್ ತುಜೆ ಬಗರ್ ಮ್ಹಾಕಾ, ಮ್ಹಜ್ಯಾ ಖರ್ಯಾ ಜಿವಾ (2)

1. ಬಲಿದಾನ್ ಕಾಲ್ವಾರಿಚೆಂ, ಅರ್ಪಣ್ ರಾಯಾ ಜೆಜುಚೆಂ
ಸಮಾಧಾನ್ ಹಾಡ್ತಾ ಮ್ಹಾಕಾ ದೈವಿಕ್ ದೆಣೆಂ ಸರ್ಗಿಂಚೆಂ
ತುಂಚ್ ಸೊಮ್ಯಾ ಮ್ಹಜೊ ಆಧಾರ್ ಆನಿ ಭರ್ವಸೊ
ಜಾ ಜಿಣಿಯೆ ವಾಟೆರ್ ಸಾಂಗಾತ್ ಮ್ಹಜೊ

2. ತುಜೆ ಥಂಯ್ ಧಾಂವೊನ್ ಯೆತಾಂ, ಸೊಧುನ್ ತುಜೊ ಆಸ್ರೊ
ಮ್ಹಜೆಂ ಸರ್ವಸ್ವ್ ತುಕಾ ದಿತಾಂ, ನಾ ಕೊಣ್ ಮ್ಹಾಕಾ ದುಸ್ರೊ
ತುಂಚ್ ಸೊಮ್ಯಾ…

3. ವಿಶೆವ್ ತುಂ ವಾವುರ್ತೆಲ್ಯಾಂಕ್, ಸಾವ್ಳಿ ವೊತಾಂತ್ ಸುಕ್ತಲ್ಯಾಂಕ್
ಆಸ್ರೊ ತುಂ ನಿರಾಶ್ರಿತಾಂಕ್, ಆಧಾರ್ ತುಂ ನಿರಾಧಾರ್ಯಾಂಕ್
ತುಂಚ್ ಸೊಮ್ಯಾ…

4. ಕಶ್ಟಾಂ’ನಿ ಅನ್ವಾರಾಂತ್ ಸೊಮ್ಯಾ ದಿ ಮ್ಹಾಕಾ ಆಧಾರ್ ತುಜೊ
ಸಾಂಬಾಳ್ನ್ ಮ್ಹಾಕಾ ಧರ್ ತುಂ ಸೊಮ್ಯಾ ಉಪ್ಕಾರ್ ಮಾಗ್ತಾಂ ಹಾಂವ್ ತುಜೊ
ತುಂಚ್ ಸೊಮ್ಯಾ…