ಕಾನಾ ಶ್ಹರಾಂತ್ ಲಗ್ನ್ ಪವಿತ್ರ್ ಕೆಲ್ಲ್ಯಾ
ಸೊಮ್ಯಾ ಅರ್ಗಾಂ ದಿತಾಂವ್ ತುಕಾ
ಲಗ್ನಾ ಬಾಂಧಾಂತ್ ಎಕ್ವಟ್ಲಲ್ಯಾ ಜೊಡ್ಯಾಕ್
ಸೊಮ್ಯಾ ಆಶೀರ್ವಾದ್ ದಿ ಸದಾಂ

ಸುಖಾಂತ್ ದುಖಾಂ, ಪಿಡೆಂತ್ ಭಲಾಯ್ಕೆಂತ್
ವಿಶ್ವಾಸಿ ರಾವುಂಚ್ಯಾಕ್;
ಮಾಯಾ ಮೊಗಾನ್ ಆಪ್ಲ್ಯಾ ಸಗ್ಳ್ಯಾ ಜಿವಿತಾಂತ್
ಕುರ್ಪಾ ದಿ ಚಲುಂಚ್ಯಾಕ್

ಭುಗ್ರ್ಯಾ-ಬಾಳಾಂಚೊ ಆಶೀರ್ವಾದ್ ತುಂ ದಿ,
ಪವಿತ್ರ್ ಕುಟಮ್ ಬಾಂದ್ಚ್ಯಾಕ್;
ಶಾಂತಿ ಸಮಾಧಾನ್ ತಾಂಕಾಂ ತುಂ ದಿ,
ತುಕಾ ಧಿನ್ವಾಸುಂಚ್ಯಾಕ್

ಪವಿತ್ರ್ ತುಜ್ಯಾ ಮಾಸಾ’ನಿ ರಗ್ತಾನ್,
ಪೊಸ್ತಾಯ್ ಪರ್ಜೆಕ್ ತುಜ್ಯಾ;
ಲಾಭಯ್ ಘೆವುಂಕ್ ಆಜ್ ಶಾಂತಿ ಸಮಾಧಾನ್
ಮೊಗಾಳ್ ಭುಗ್ರ್ಯಾಂಕ್ ತುಜ್ಯಾ.