ಕಾಣಿಕೊ ಹಾಡ್ನ್ ಆಯ್ಲ್ಯಾಂವ್ ಸರ್ವೆಸ್ಪರಾ
ಸ್ವೀಕಾರ್ ಕರ್ ತುಂ ದಯೆನ್ ಹೆ ರಚ್ನಾರಾ

1. ಸರ್ವೆಸ್ಪರಾ ದೆವಾ, ಸೃಶ್ಟಿ ರಚ್ನಾರಾ
ಭೆಟಯ್ತಾಂವ್ ತುಕಾ ಹೊ ಉಂಡೊ ಗೊಂವಾಚೊ
ಮನ್ಶಾ ವಾವ್ರಾನ್ ಕೆಲ್ಲೊ ಪ್ರಿಥುಮೆನ್ ದಿಲ್ಲೊ
ಜಾಂವ್ ತೊ ಆಮ್ಕಾಂ ಜಿವಿತ್ ದಿಂವ್ಚೊ

2. ಸರ್ವೆಸ್ಪರಾ ದೆವಾ, ಸೃಶ್ಟಿ ರಚ್ನಾರಾ
ಭೆಟಯ್ತಾಂವ್ ತುಕಾ ಹೊ ವಾಯ್ನ್ ದಾಕಾಂಚೊ
ಮನ್ಶಾ ವಾವ್ರಾನ್ ಕೆಲ್ಲೊ ದಾಕ್ವಾಲಿನ್ ದಿಲ್ಲೊ
ಜಾಂವ್ ತೊ ಆಮ್ಕಾಂ ಜಿವಿತ್ ದಿಂವ್ಚೊ

3. ಸರ್ವೆಸ್ಪರಾ ದೆವಾ, ಸೃಶ್ಟಿ ರಚ್ನಾರಾ
ಅರ್ಪಿತಾಂವ್ ತುಕಾ’ಮಿ ತನ್ ಮನ್ ಧನ್ ಆಮ್ಚೆಂ
ನಾ ಕಾಂಯ್ ಸೊಮ್ಯಾ ಆಮ್ಚೆಂ, ಸಗ್ಳೆಂಚ್ ತರ್ ತುಜೆಂ
ಕುರ್ಪೆನ್ ನೆಟಯ್ ಜಿವಿತ್ ಆಮ್ಚೆಂ