ಏ ಮರಿಯೆ ಆಮ್ಚೆ ಮಾಯೆ, ಏ ಮರಿಯೆ ಆಮ್ಚೆ ರಾಣಿಯೆ
ಏ ಮರಿಯೆ ಆಮ್ಚೆ ಶೆಕಾಯೆ, ಪಾವ್ ತುಂ ಆಮ್ಚೆ ಹೆ ಘಡಿಯೆ

ಪಾತಕ್ ಸಾಡುಂಕ್ ಜಾಯ್, ಪ್ರಾಚಿತ್ ಕರುಂಕ್ ಜಾಯ್]
ಜಿಣಿ ಬದ್ಲುಂಕ್ ಜಾಯ್, ಕಾಯ್ದೆ ಪಾಳುಂಕ್ ಜಾಯ್
ನಾ ಜಾಲ್ಯಾರ್ ಶಿಕ್ಷಾ ಭೆಜ್ತಲಿ ಸಂಸ್ರಾರ್
ಮ್ಹಣ್ ಸಾಂಗ್ಲೆಯ್ ಮಾಯೆ, ಆಮ್ಚ್ಯಾ ಹ್ಯಾ ಕಾಳಾರ್

ಮಾತೆಚೆಂ ಉತರ್ ಲೆಕ್ಲೆಂನಾ ಮನ್ಶಾನ್
ಪಾತಕ್ ಸಾಂಡುಂಕ್ ನಾ, ಜಿಣಿ ಬದ್ಲುಂಕ್ ನಾ
ದೆಂವ್ಲ್ಯಾ’ತಾಂ ಶಿಕ್ಷಾ, ಚಡೊನ್ ತಿ ಯೆತಾ
ಜಾಲ್ಯಾರಿ ಮನಿಸ್ ಪ್ರಾಚಿತ್ ಆಧಾರಿನಾ

ದೆಕುನ್ ಜಾವ್ನ್ ಆಧಾರ್, ಪಾಠಯ್ಲಾಯ್ ರೊಜಾರ್
ಭಕ್ತಿನ್ ಕರುಂಕ್ ಜಾಯ್, ಕೊಂತಾಚೊ ಉಜಾರ್
ಪಾಡಾವ್ ಜಾತಲೊ ತೊ ನಶ್ಟೊ ದೆಂವ್ಚಾರ್
ಬಚಾವ್ ಜಾತಲೊ ಶಿಕ್ಷೆಂತ್ಲೊ ಸಂಸಾರ್

ಬೆಂತಿಣ್ ತಿ ತುಜಿ ಕಾರ್ಮೆಲ್ ಒಡ್ದಿಚಿ
ತುಜ್ಯಾ ಭುಗ್ರ್ಯಾಂಚಿ ವರ್ತಿ ನಿಶಾನಿ
ಸಮರ್ಪಣ್ ತುಕಾ ದಿಲ್ಲ್ಯಾ ಗುರ್ತಾಚಿ
ಹ್ಯಾ ವರ್ವಿಂ ಆಮ್ಕಾಂ ದಿತಾಯ್ ಬಚಾವಿ

ನಾಕಾ ಹ್ಯಾ ಸಂಸ್ರಾಕ್ ತುಜೆಂ ತೆಂ ರೊಜಾರ್
ನಾಕಾ ತುಜಿ ಭಕ್ತ್ ತುಜೊ ವ್ಹಡ್ ಆಧಾರ್
ಪರಾತ್ತಾಂವ್ ಮಾಯೆ, ಬಿರ್ಮತ್ ಪಾವ್ ಆಮ್ಚಿ
ದುಖಾಂಚ್ಯಾ ಕೊಂಡಾಂತ್ ಆಸಾಂವ್ ಭುರ್ಗಿಂ ತುಜಿಂ.