1. ಏ ಪವಿತ್ರ್ ಅತ್ಮ್ಯಾ ರಚ್ನಾರಾ
ಹಾಡ್ನ್ ಯೆ ಕುರ್ಪೆಚಿಂ ಭಂಡಾರಾಂ
ಭರ್ ಹಿಂ ಕಾಳ್ಜಾಂ ತುಜಿಂಚ್ ರಚ್ನಾಂ
ಯೆ, ಕರ್ ಆಮ್ಕಾಂ ತುಜಿಂಚ್ ತೆಂಪ್ಲಾಂ

2. ತುಕಾ ತರ್ ಮ್ಹಣ್ತಾತ್ ಪಾರಾಕ್ಲಿತ್
ತುಂ ದೆಣೆಂ ದೆವಾಚೆಂ ಉಚಿತ್
ತುಂ ಕೆಂಡ್ ಮೊಗಾಚೆಂ, ಝರ್ ಜಿವಿತ್
ಉಜೊ, ಅತ್ಮ್ಯಾ ತೆಲ್ ಘಮ್ಗಮಿತ್

3. ತುಂ ತೆಂ ಭಾಸಾವ್ಣೆಂ ಬಾಪಾಚೆಂ
ಬೊಟ್ ತಾಚ್ಯಾ ಉಜ್ವ್ಯಾ ಹಾತಾಚೆಂ
ದಿವ್ನ್ ಸಾಯ್ಬಾ ತುಜಿ ಸಾತ್ ದೆಣಿಂ
ದಿತಾಯ್ ಆಮ್ಕಾಂ ಜೀಬ್ ಸಮ್ಜಣಿ

4. ಖಂಚಯ್ ಮೋಗ್ ಆಮ್ಚ್ಯಾ ಕಾಳ್ಜಾಂನಿ
ಪೆಟಯ್ ಉಜ್ವಾಡ್ ಸರ್ವ್ ವಿಶ್ವ್ಯಾಂನಿ
ಪಯ್ಸ್ ಕರ್ನ್ ಕುಡಿಚಿ ಅಸ್ಕತ್ಕಾಯ್
ಅತ್ಮ್ಯಾಕ್ ಆಮ್ಚ್ಯಾ ದಿ ಬಳ್ ಘಟಾಯ್

5. ಧಾಂವ್ಡಾಯ್ ಸರ್ವ್ ಆಮ್ಚ್ಯಾ ದುಸ್ಮಾನಾಂಕ್
ದಿ ಸವ್ಕಸಾಯ್ ಆಮ್ಚ್ಯಾ ದಿಸಾಂಕ್
ಚಲ್ಚ್ಯಾಕ್ ಆಮಿ ವಾಯ್ಟಾಕ್ ಕರ್ನ್ ಪಾಟ್
ತುಂ ಮುಕಾರ್ ವ್ಹರ್ನ್ ವಚ್ ಆಮ್ಚಿ ವಾಟ್

6. ತುವೆಂಚ್ ಸಾಯ್ಬಾ ಆಮ್ಕಾಂ ದಿವ್ಚಿ
ಒಳಕ್ ಬಾಪಾಚಿ, ಪುತಾಚಿ
ಆನಿ ತುಜಿ ಪವಿತ್ರ್ ಅತ್ಮ್ಯಾಚಿ
ಒಳಕ್ ಸಾಂತ್ಸಿಮ್ ತ್ರಿಂದಾದಿಚಿ

7. ಆನಂದ್ ಸರ್ಗಾರ್ ದೆವಾಬಾಪಾಕ್
ತಾಚ್ಯಾ ಜಿವಂತ್ ಜಾಲ್ಲ್ಯಾ ಪುತಾಕ್
ಆನಂದ್ ತುಕಾ ಪವಿತ್ರ್ ಅತ್ಮ್ಯಾಕ್
ಸದಾಂಕಾಲ್ ಸಾಸ್ಣಾಚ್ಯಾ ಸಾಸ್ಣಾಕ್. ಆಮೆನ್