ಏ ತುಂ ಜೆಜುಚ್ಯಾ ತೆರೆಜಾ
ಆನಂದಾ ಸರ್ಗಾ ರಾಜ್ಯಾಚ್ಯಾ
ಪಾವ್ ತುಂ ಸರ್ವಯ್ ಗರ್ಜಾಂತ್ ಆಮ್ಚ್ಯಾ
ಏ ಧಾಕ್ಟ್ಯಾ ಫುಲಾ ಜೆಜುಚ್ಯಾ

ಫುಲ್ ತುಂ ಸ್ವಾದಿಕ್ ದೇವ್ ವೊಡ್ತಾಂತ್ಲೆಂ
ಆಂಜಾಂ ಭಡ್ವ್ಯಾಂಚ್ಯಾ ಪಂಗ್ಡಾಂತ್ಲೆಂ
ಝಾಡ್ ತುಂ ಕಾರ್ಮೆಲ್ ಕೊಂವೆಂತಾಂತ್ಲೆಂ
ಸರ್ವ್ ಶೆಗುಣಾಂನಿ ಫುಲ್‍ಲ್ಲೆಂ

ಲ್ಹಾನ್ ಥಾವ್ನ್ ತುಜೆ ಥಂಯ್ ಪರ್ಜಳ್ತಾ
ಸಾಂತಿಪಣಾಚೊ ದೇವ್ ಪ್ರಕಾಸ್
ತೊಂಡಾರ್ ಸದಂಚ್ ಹಾಸೊ ಖೆಳ್ತಾ,
ದೇವ್‍ಮೊಗಾಚೊ ಪ್ರತಿ ಉಲ್ಲಾಸ್

ಜೆಜು ಬಾಳ್ಕಾಚೊ ಮೊವಾಳ್ ಮೋಗ್,
ಕರ್ತಾ ತುಕಾಯಿ ಸರ್ಗಿಂ ಬಾಳ್ಶೆಂ
ದಾಕಯ್ ಆಮ್ಕಾಂ ಸರಳ್ ಮಾರಗ್,
ಆಮಿಂಯ್ ನೆಣ್ತಿಂ ಬಾಳ್ಶಿಂ ಜಾಯ್ಶೆಂ

ಶೆಕಿಂ, ಭಾಗೆವಂತ್ ತೆರೆಜಾ,
ಪಾವಯ್ ಆನಂದಾಕ್ ಸರ್ಗಿಂಚ್ಯಾ
ಆಮ್ಕಾಂ ಭಕ್ತಿವಂತಾಂಕ್ ತುಜ್ಯಾ,
ಏ ಧಾಕ್ಟ್ಯಾ ಫುಲಾ ಜೆಜುಚ್ಯಾ