ಏಕ್ ಕುಟಾಮ್ ಜಾವ್ನ್ ಬಾಪಾ ಆಮಿ ಜಮ್ಲ್ಯಾಂವ್
ಎಕಾಚ್ ತಾಳ್ಯಾನ್ ತುಕಾ ಗಿತಾಂ ಗಾತಾಂವ್
ಎಕಾಚ್ ಕಾಳ್ಜಾನ್ ತುಜೊ ಮೋಗ್ ಕರ್ತಾಂವ್
ಎಕ್ವಟಾನ್ ಜಿಯೆಂವ್ಕ್ ಅತ್ರೆಗ್ತಾಂವ್

1. ಪವಿತ್ರ್ ಸ್ನಾನಾಂತ್ ಆಮ್ಕಾಂ ನವೊ ಜೀವ್ ದಿವುನ್
ತುಜಿ ಭುರ್ಗಿಂ ಕರ್ನ್ ಆಮ್ಕಾಂ ಪವಿತ್ರ್ ಕೆಲ್ಯಾಂಯ್
ಪುನರ್ ಜಿವಂತ್ ಜಾಲ್ಲ್ಯಾ ಕ್ರಿಸ್ತಾಚೆ ಕುರ್ಪೆನ್
ಸಾಸ್ಣಿಕ್ ಜಿವಿತ್ ಆಮ್ಕಾಂ ಜೊಡುನ್ ದಿಲಾಂಯ್

2. ಮಂದಿರಾಂತ್ ಹ್ಯಾ ತುಜ್ಯಾ ಎಕ್ಟಾಂಯ್ ಆಮಿ ಜಾವುನ್
ಭಕ್ತಿನ್ ಆಮ್ಚೊ ಭಾವಾರ್ಥ್ ಪರ್ಗಟ್ ಕರ್ತಾಂವ್
ಪಾತ್ಕಿ ಜಿಣಿ ಸಾಂಡುನ್ ಜಿಯೆಂವ್ಚ್ಯಾಕ್ ಮೊಗಾನ್
ಆಧಾರ್ ಬೆಸಾಂವ್ ತುಜೆಂ ಬಾಪಾ ಮಾಗ್ತಾಂವ್