ಉಲ್ಲಾಸಾನ್ ಗಿತಾಂ ಗಾವುನ್, ಸಂತೊಸಾನ್ ಮೆಟಾಂ ಕಾಡುನ್
ತುಜೆ ಸಮೊರ್ ಆಯ್ಲ್ಯಾಂವ್ ಸೊಮ್ಯಾ, ಬಲಿದಾನ್ ಭೆಟೊಂವ್ಕ್
ಮಂದಿರಾಂತ್ ತುಜ್ಯಾ ಯೆವುನ್, ಉಪ್ಕಾರಾಂಕ್ ಅರ್ಗಾಂ ದಿವುನ್
ದೀನ್‍ಪಣಿಂ ಮಾಗ್ತಾಂವ್ ಧನ್ಯಾ, ಆಶಿರ್ವಾದ್ ಘಾಲುಂಕ್

1. ಸರ್ವೆಸ್ಪರಾ ಆಮ್ಚ್ಯಾ ದೆವಾ, ಭಕ್ತಿನ್ ಆಮಿ ಯೆತಾಂವ್
ಮೊಗಾಳ್ ಬಾಪಾ, ತುಜೆ ಮುಖಾರ್ ಪ್ರಣಾಮ್ ಆಮಿ ಕರ್ತಾಂವ್
ತುವೆಂ ಕೆಲ್ಲ್ಯಾ ಮೊಗಾ ಪಾಸತ್ ಉಪ್ಕಾರ್ ಆಜ್ ಬಾವುಡ್ತಾಂವ್
ತುವೆಂ ದಿಲ್ಲ್ಯಾ ದೆಣ್ಯಾಂ ಪಾಸತ್ ಅರ್ಗಾಂ ಆಮಿ ದಿತಾಂವ್

2. ತುಜ್ಯಾ ಹಾತಾನ್ ಕೆಲ್ಲಿ ಸೃಷ್ಠಿ ತುಕಾ ತಿ ವಂದಿತಾ
ವ್ಹಡೆ ಪದ್ವೆನ್ ರಚ್‍ಲ್ಲಿ ತಿ ನಾಂವಾಕ್ ತುಜ್ಯಾ ಗಾಯ್ತಾ
ಮಾನಾಕ್ ತುಜ್ಯಾ ಸಗ್ಳಿ ಪ್ರಥ್ವಿ ಹರ್ಸುನ್ ತಿ ನಾಂವಾಡ್ತಾ
ಭುಮಿರ್ ಆಸ್ಚಿ ಹರೇಕ್ ಜೀವಿ ಸ್ತುತಿ ತುಜಿ ಕರ್ತಾ