ಉತರ್, ಸೊಮ್ಯಾ ತುಜೆಂ ಜಿವಿತ್ ದಿತಾ
ಸುಖಾ ರಾಜ್ಯಾಕ್ ಆಪಯ್ತಾ
ತಾನ್, ಭುಕ್ ಮ್ಹಜಿ ಸರ್ವ್ ತೆಂ ನಿವಾರ್ತಾ
ಧಾದೊಸ್ ಮ್ಹಕಾ ಕರ್ತಾ

ವರ್ಣುಂ ಕಶಿ, ಸೊಮ್ಯಾ, ಸೊಭಾಯ್ ತುಜಿ
ತುಜ್ಯಾ ವಿಚಿತ್ರ್ ಕೃತ್ಯಾಂಚಿ
ಗಾವುಂ ಸ್ತುತಿ ಹರೇಕ್ ಜೀಬ್ ಮನ್ಶಾಚಿ
ಸೊಮ್ಯಾ ತುಜೆ ವ್ಹಡ್ ಮಹಿಮೆಚಿ

ಸುಕ್ಣಿಂ ಸಾವ್ಜಾಂ ಸರ್ವಯ್ ಪುಲಾಂ ಫಳಾಂ
ಧಿನ್ವಾಸ್ತಾತ್ ಮನ್ಶಾಬಾಳಾಂ
ಸುರ್ಯೊ ಚಂದ್ರ್ ತಾರಾ ಸರ್ವಯ್ ವೆಳಾ
ಸೊಮ್ಯಾ, ಗಾಯ್ತಾತ್ ಸದಾಂಕಾಳಾ

ಉತರ್ ಬಳಾದಿಕ್, ಉತರ್ ಫಳಾದಿಕ್
ಉತರ್ ಪವಿತ್ರ್ ತೆಂ ತುಜೆಂ
ಉತರ್ ಮೊಲಾಧಿಕ್ ಉತರ್ ಸ್ವಾಧಿಕ್
ಸೊಮ್ಯಾ, ಉತರ್ ತೆಂ ಮೊಗಾಚೆಂ.