ಇಗರ್ಜ್ ಕಥೊಲಿಕ್ ರೊಮಾಚಿ, ಆವಯ್ ಆಮ್ಚ್ಯಾ ಮಾಲ್ಗಡ್ಯಾಂಚಿ
ಆಮ್ಕಾಂ ತುಂ ಆಪುರ್ಬಾಯೆಚಿ, ಜಿಣಿಯೆಂತ್ ಮೊರ್ನಾಂತ್ ಭೋವ್ ಮೊಗಾಚಿ

ಏ ತುಂ ರೊಮಾಚೆ ಇಗರ್ಜೆ, ಆಮಿ-ಗೆ ಸದಾಂಚ್ ತುಜೆ. (2)

ಬೊಂಬ್ಯಾಂಕ್ ನಮಸ್ಕಾರ್ ಕರ್ತಾಲ್ಯಾಂವ್, ಅನ್ಭಾವಾಥ್ರ್ಪಣಾಂತ್
ಬುಡ್‍ಲ್ಲ್ಯಾಂವ್, ತುವೆಂ ಮಾಯೆ, ಫಾಂಕೊವ್ನ್ ಉಜ್ವಾಡ್
ಕೆಲೊಯ್ ದುಸ್ಮಾನಾಂಚೊ ವಿಭಾಡ್

ತುಜೆ ಕುಶಿಂತ್ ಆಮಿ ಜಾಲ್ಯಾಂವ್, ತುಜ್ಯಾ ಪವಿತ್ರ್ ದುದಾನ್ ವಾಡ್ಲ್ಯಾಂವ್
ತುಜ್ಯಾ ಉಸ್ಕ್ಯಾರ್ ಉಲೊಂವ್ಕ್ ಶಿಕ್ಲ್ಯಾಂವ್
ತುಜೊ ಹಾತ್ ಧರ್ನ್ ಚಲುಂಕ್ ಪಾವ್ಲ್ಯಾಂವ್

ತುವೆಂ, ಇಗರ್ಜ್‍ಮಾತೆ, ತುವೆಂ, ಜೆಜುಕ್ ಒಳ್ಕುಂಕ್ ಆಮ್ಕಾಂ ದಿಲೆಂಯ್
ಜೆಜುಚ್ಯಾ ಮೆಜಾರ್ ಬಸಯ್ಲಿಂಯ್
ಮಾಸಾನ್ ರಗ್ತಾನ್ ತಾಚ್ಯಾ ಪೊಸ್ಲಿಂಯ್

ತುವೆಂ, ಇಗರ್ಜ್‍ಮಾತೆ, ತುವೆಂ, ಮರ್ಯೆ ಸರ್ಶಿನ್ ಆಮ್ಕಾಂ ಹಾಡ್ಲಿಂಯ್
ಮರ್ಯೆಕ್ ಹೊಗಳ್ಸುಂಕ್ ಶಿಕಯ್ಲೆಂಯ್
ತಿಚ್ಯಾ ಮೊಗಾನ್ ಆಮ್ಕಾಂ ಭರ್ಲಿಂಯ್

ದುಸ್ಮಾನಾನ್ ಗ್ರಾಚಾರ್ ಉಬ್ಜಯ್ಲ್ಯಾತ್, ತುಜೆಚ್ ತುಕಾ ಸಾಂಡುನ್
ಗೆಲ್ಯಾತ್, ಜೀವ್ ಪುಣಿ ದಿಂವ್ಕ್ ತಯಾರ್, ಮಾಯೆ
ತುಕಾ ಕೆದಿಂಚ್ ದುಖ್ ದಿನಾಂವ್-ಗೆ