ಆಮಿ ತುಜಿ ವೆಂಚಿವ್ ಪರ್ಜಾ A-18

1. ಆಮಿ ತುಜಿ ವೆಂಚಿವ್ ಪರ್ಜಾ ಮೊಗಾನ್ ಆಯ್ಲ್ಯಾಂವ್
ಎಕಾ ಮನಾನ್ ಖಾಲ್ತ್ಯಾ ಕಾಳ್ಜಾನ್ ಸರ್ವ್ ಆಮಿ ಜಮ್ಲ್ಯಾಂವ್
ಕರುನ್ ಸ್ತುತಿ ಹರ್ಸುನ್ ಕೀರ್ತಿ ಆಜ್ ಆಮಿ ಗಾಯ್ತಾಂವ್
ದೇವ್ ತುಂ ಆಮ್ಚೊ ರಚ್ನಾರ್ ವರ್ತೊ ತುಕಾ’ಮಿ ಮಾನ್ತಾಂವ್

ಜೈ ತುಕಾ ಮೊಗಾಳ್ ಬಾಪಾ, ಜೈ ತುಕಾ ದೆವಾ ಪುತಾ
ಜೈ ತುಕಾ ಪವಿತ್ರ್ ಅತ್ಮ್ಯಾ, ಜೈ ತುಕಾ ಜೈ ತುಕಾ ತ್ರಿಏಕ್ ದೆವಾ

2. ಸಗ್ಳ್ಯಾ ಕಾಳ್ಜಾನ್ ಆಮಿ ತುಕಾ ಅರ್ಗಾಂ ದಿತಾಂವ್
ಸಗ್ಳೆ ಸಕ್ತಿನ್ ವರ್ತೆ ಭಕ್ತಿನ್ ತುಜೊ ಮೋಗ್ ಕರ್ತಾಂವ್
ಎದೊಳ್ ಪರ್ಯಾನ್ ಸಾಂಬಾಳ್ನ್ ವ್ಹೆಲ್ಲ್ಯಾಕ್ ಉಪ್ಕಾರ್ ಆಠಯ್ತಾಂವ್
ಮರಾ ಪರ್ಯಾನ್ ಹರೇಕ್ ಘಡಿಯೆ ತುಕಾ ಹರ್ಸಿತಾಂವ್