ಆಂಕ್ವಾರಿ ಭಿತರಿ ಸೊಭಾಗಿಣಿ, ಕಾರ್ಮೆಲಿತಾಂಚಿ ತುಂ-ಗೆ ರಾಣಿ
ಮಾಗ್ತಾಂವ್ ತುಜ್ಯಾ ಚರಣಾ ಲಾಗುನಿ

ತುಜೆ ಕುಡಿಚೆ ನಿರ್ಮಳ್ಕಾಯೆ ಪಾಸುನಿ, ಕರ್ ಆಮ್ಚ್ಯೊ ಕುಡಿ ಮ್ಹಣುನಿ
ನಿಸ್ಕಳ್ವಂತಿ-ಗೆ ಸೊಮಿಣಿ

ತುಜ್ಯಾ ಅತ್ಮ್ಯಾಚ್ಯಾ ಸಾಂತಿಪಣಾ ಪಾಸುನಿ, ದಿ ಆಮ್ಚ್ಯಾ ಅತ್ಮ್ಯಾ ಥಂಯ್
ಸಾಂತಿಪಣ್-ಗೆ ಸೊಮಿಣಿ

ತುಜೆ ಸುಫಳೆ ಜಿಮಿಯೆ ಪಾಸುನಿ, ಕರ್ ಆಮ್ಚಿ ಜಿಣಿ ಮ್ಹಣುನಿ
ಕುರ್ಪೆವಂತಿ-ಗೆ ಸೊಮಿಣಿ

ತುಜ್ಯಾ ಮಾಯ್ಪಣಾಚೆ ವ್ಹಡ್ವೆ ಪಾಸುನಿ, ದಿ ಆಧಾರ್ ತುಜೊ ಕರುನಿ
ಚಲುಂಚ್ಯಾಕ್ ಆಮಿ ಸಮಡ್ತ್ ಸಾಂಬಾಳುಂನಿ

ತುಜ್ಯಾ ಸಮೃತಾ ಮೊರ್ನಾ ಪಾಸುನಿ, ಆಮ್ಚ್ಯಾ ಮರ್ಣಾಚೆ ಕಾಳಿಂ
ಪಾವ್ ತುಂ ಆಮ್ಕಾಂ-ಗೆ ಸೊಮಿಣಿ

ತುಜ್ಯಾ ಕಿರ್ತಿವಂತಾ ಆಸುಂಪ್ಸಾಂವಾಂ ಪಾಸುನಿ, ನಿವಾರ್ ತುಂ ಆಮ್ಕಾಂ
ಪಯ್ಲೆಂ ಸನ್ವಾರಿಂ, ಪುರ್ಗತರಿಂತ್ಲಿಂ-ಗೆ ಸೊಮಿಣಿ

ತುಕಾ ಸರ್ಗಾರ್ ಕುರ್ವಾರ್ ಕೆಲೆಲ್ಯಾ ಪಾಸುನಿ, ಲಾಭಶಿ ಕರ್ ಆಮ್ಕಾಂ
ಸೊಮಿಣಿ, ಅಂತಿಮ್ ಮುಕ್ತ್ ಅಖಂಡಿತ್ ಜಿಣಿ. ಆಮೆನ್

ಮಾಗ್ತಾಂವ್ ಮಾಗ್ಣೆಂ ಸರ್ವೆಸ್ಪರಾ ಸೊಮಿಯಾ ತುಜೆ ಲಾಗಿಂ, ವಾಡಯ್
ಮ್ಹಣ್ ಭೆಸ್ ಇಗರ್ಜ್ ಮಾಯೆಚೊ, ಕರ್ ಮ್ಹಣ್ ಭಸ್ಮ್ ಹೆರೆಜಿಂಚೊ;
ವಿಸ್ತಾರ್ ಮ್ಹಣ್ ಖರೊ ಭಾವಾರ್ಥ್ ಸಮೆಸ್ತಾಂ ಥಂಯ್; ಕರ್ ಮ್ಹಣ್
ಸವ್ಕಾಸಾಯ್ ರಾಯಾಂ ಪಾದ್ಯಾಂ ಥಂಯ್; ವಾಡಯ್ ಆನಿ ಚಡಯ್
ಮ್ಹಣ್ ಇರ್ಮಾಂವ್‍ವಾದ್ ಕಾರ್ಮ್ ಸಾಯ್ಬಿಣಿಚಿ. ಆಮೆನ್.