ಅರ್ಗಾಂ ತುಕಾ, ಅರ್ಗಾಂ ತುಕಾ,
ಅರ್ಗಾಂ ತುಕಾ, ದುಲಬ್ ಸಯ್ರ್ಯಾ ಸರ್ಗಿಂಚ್ಯಾ

1. ದೀಸ್ ಹೊ ಆಯ್ಚೊ ಮ್ಹಾಕಾ ಚಡ್ ಮೊಗಾಚೊ
ಸೊಮಿ ಮ್ಹಜೊ ಜಾಲಾ ಮ್ಹಜೊ ಸಯ್ರೊ
ಸಂತೊಸ್ ಕೆದೊ ವರ್ಣುಂಕ್ ಮ್ಹಜ್ಯಾನ್ ನಜೊ
ಬಿಡಾರಾಂತ್ ಫಾಂಕ್ಲಾ ಪ್ರಕಾಸ್ ಸರ್ಗಿಂಚೊ

2. ತಾಚೆಂ ಯೆಣೆಂ ಘರ್ ಹೆಂ ನಂದನ್ ಕರ್ತಾ
ದಿರ್ವಿಂ ಆಪ್ಲಿಂ ಮ್ಹಜ್ಯಾ ಘರಾಂತ್ ವೊತ್ತಾ
ಬಿಡಾರ್ ಮ್ಹಜೆಂ ವ್ಹಡ್ ಪ್ರಕಾಸಾನ್ ಭರ್ತಾ
ಕಾಳಿಜ್ ಮ್ಹಜೆಂ ಆಜ್ ಸಂತೊಸಾನ್ ನಾಚ್ತಾ

3. ಸೊಮ್ಯಾಕ್ ದೆಕುನ್ ಖೊಟೆಪಣ್ ಸರ್ವ್ ಪೊಳ್ತಾ
ತಾಚೆ ಶೆಗುಣ್ ಘರ್ ಸುಗಂಧಿತ್ ಕರ್ತಾ
ಕುರ್ಪೆಚೆಂ ನ್ಹೆಸಣ್ ಮ್ಹಾಕಾ ತೊ ನ್ಹೆಸಯ್ತಾ
ಉಲ್ಲಾಸಾಚ್ಯಾ ಉಮಾಳ್ಯಾನ್ ಹಾಂವ್ ಫುಮಾರ್ತಾಂ