ಸಾಸ್ಣಿಕ್ ಜಿವಿತಾಚ್ಯಾ ಸುಖಾಕ್, ಸೊಮ್ಯಾ ತುವೆಂ ಮ್ಹಾಕಾ ರಚ್ಲಾಂಯ್
ಪವಿತ್ರ್ ಸಂಸ್ಕಾರಾಂಚೆ ಕುರ್ಪೆನ್, ಕ್ರಿಸ್ತಿ ಜಿವಿತ್ ಮ್ಹಾಕಾ ದಿಲಾಂಯ್
ಅಮರ್ ಜಿವಿತ್ ಹಾಂವೆಂ ಜೊಡ್ಚ್ಯಾಕ್, ಸೊಮ್ಯಾ ತುಂ ಉಲೊ ದಿತಾಯ್
ಸರ್ಗಿಂ ಜಾಣ್ವಾಯೆಚ್ಯಾ ಉತ್ರಾನ್, ಜಿವಿತಾ ವಾಟ್ ದಾಕಯ್ತಾಯ್

ಅಮರ್ ತುಜೆಂ ದೈವಿಕ್ ಉತರ್, ಜಿಣಿಯೆ ಪಯ್ಣಾಕ್ ದಿತಾ ಆಧಾರ್
ಮೊಗಾ ಸ್ಪಿರಿತಾನ್ ಜಿಯೆಂವ್ಕ್, ಧಯ್ರಾನ್ ಭರ್ತಾ ಸದಾಂಕಾಳ್

ಎಕಾಮೆಕಾಚೊ ಮೋಗ್ ಕರ್ಚ್ಯಾಕ್, ಆದೇಶ್ ಸೊಮ್ಯಾ ತುವೆಂ ದಿಲಾಯ್
ಸಂದೇಶ್ ತುಜೊ ಹೊ ಜಿಯೆಂವ್ಚ್ಯಾಕ್, ಆದರ್ಶ್ ಬರೊ ಆಮ್ಕಾಂ ದಿಲಾಯ್
ಪವಿತ್ರ್ ಸಭೆಚ್ಯಾ ತ್ಯಾ ಮೊಗಾನ್, ತುವೆಂ ತುಕಾಚ್ ಅರ್ಪಿಲೊಯ್
ಜಿಯೆಂವ್ಕ್ ಸರ್ವಾಂನಿ ಹ್ಯಾ ಮೊಗಾನ್, ಸೊಮ್ಯಾ ತುಂ ಆಶೆತಾಯ್