ಎಕಾಚ್ ಉತ್ರಾನ್ ಸೊಮ್ಯಾ, ಸಂಸಾರ್ ತುಂವೆಂ ರಚ್ಲೊಯ್
ಎಕಾಚ್ ಉಸ್ವಾಸಾನ್, ಮನ್ಶಾಕ್ ಜೀವ್ ದಿಲೊಯ್
ಅಗಣಿತ್ ತುಜಿಂ ಕೃತ್ಯಾಂ, ಅಗಣಿತ್ ತುಜಿಂ ಉತ್ರಾಂ
ಚಾಲ್ತ್ಯಾ ಮನ್ಶಾ ಜಿವಿತಾಂತ್, ಮೊಲಾಧಿಕ್ ವಜ್ರಾಂ ಮೊತಿಯಾಂ

ಪ್ರಥ್ವಿ ವಯ್ಲಿಂ ರಚ್ನಾಂ, ಮೊನ್ಜಾತಿ ರೂಕ್ ಝಡಾಂ
ಮೊಳ್ಬಾರ್ ಸೊಭ್ಚಿಂ ತಾರಾಂ, ಸುರ್ಯೊ ಚಂದ್ರ್ ನೆಕೆತ್ರಾಂ
ವಾಖಣ್ತಾತ್ ತುಜಿ ಮಹಿಮಾ, ಗವಾಯ್ ದಿತಾತ್ ಸದಾಂ

ಸಬ್ದ್ ತುಜೊ ನಿಯಾಳ್ತಾ, ಖುಶಿ ತುಜಿ ಪಾಳ್ತಾಂ
ತುಜೆ ಥಂಯ್ ಹಾಂವ್ ಉಲ್ಲಾಸ್ತಾಂ, ಪಾತ್ಕಾಂ ಮ್ಹಜಿಂ ಸಾಂಡ್ತಾ
ಪಾಟ್ಲಾವ್ ತುಜೊ ಕರ್ತಾ, ಕೀರ್ತನ್ ತುಜೆಂ ಗಾಯ್ತಾ