ಗಿತಾಂ ಗಾವುನ್ ಹರ್ಸಿತಾಂ ತುಕಾ, ಸರ್ವ್ ಪದ್ವೆದಾರ್ ದೆವಾ
ಸ್ತುತಿ ಕರುನ್ ವಂದಿತಾಂ ತುಕಾ, ಧಿನ್ವಾಶಿ ಕಾಳ್ಜಾನ್ ಮ್ಹಜ್ಯಾ

ಆಖೆ ಹೆ ಸೃಶ್ಟಿಚೊ ರಚ್ನಾರ್ ತುಂ
ಸಗ್ಳ್ಯಾ ಜಿವಿಂಚೊ ಪೊಸ್ಣಾರ್ ತುಂ
ಜಿಣಿಯೆಂತ್ ಮ್ಹಾಕಾ ವರ್ತೊ ಆಧಾರ್ ತುಂ
ಜಿಣ್ಯೆ ಪಯ್ಣಾರ್ ಮ್ಹಜ್ಯಾ ಬಂದರ್ ತುಂ

ರೂಕ್ ಝಾಡಾಂ ಫುಲಾಂ ಫಳಾಂ ವಾಖಾಣ್ತಾತ್
ಸುಕ್ಣಿಂ ಸಾವ್ಜಾಂ ತುಕಾ ಪಾಚಾರ್ತಾತ್
ಸುರ್ಯೊ ತಾರಾ ತುಕಾ ನಾಂವಾಡ್ತಾತ್
ವೈಭವ್ ತುಜೊ ಸಗ್ಳಿಂ ಪ್ರಸಾರ್ತಾತ್

ಮನ್ಶಾಚ್ಯಾ ಕಾಳ್ಜಾಂತ್ ತುಂ ಜಿಯೆತಾಯ್
ಕಾಳ್ಜಾಂತ್ ಮೊಗಾ ಉಜೊ ಪೆಟಯ್ತಾಯ್
ಕಾಕುಳ್ತಿನ್ ತುಂ ತಾಕಾ ಸಾಂಬಾಳ್ತಾಯ್
ಕುರ್ಪೆ ದೆಣ್ಯಾನ್ ತಾಕಾ ನೆಟಯ್ತಾಯ್